ఆరేళ్లుగా బందీగా ఉండి.. పలుమార్లు అత్యాచారానికి గురైన మహిళ.. రక్షించిన పోలీసులు

Police rescue MP woman held captive in Lucknow for six years. గత ఆరేళ్లుగా బందీగా ఉండి పలుమార్లు అత్యాచారానికి గురైన మధ్యప్రదేశ్‌కు చెందిన 22 ఏళ్ల మహిళను ఈ రోజు లక్నో పోలీసులు

By అంజి  Published on  14 Feb 2022 2:36 PM GMT
ఆరేళ్లుగా బందీగా ఉండి.. పలుమార్లు అత్యాచారానికి గురైన మహిళ.. రక్షించిన పోలీసులు

గత ఆరేళ్లుగా బందీగా ఉండి పలుమార్లు అత్యాచారానికి గురైన మధ్యప్రదేశ్‌కు చెందిన 22 ఏళ్ల మహిళను ఈ రోజు లక్నో పోలీసులు రక్షించారు. 2015లో తనకు మంచి విద్య అందిస్తామనే నెపంతో లక్నో తీసుకొచ్చారని, అయితే చిత్రహింసలు, లైంగిక వేధింపులకు గురిచేశారని బాధితురాలు ఆరోపించింది. నకిలీ మార్క్‌షీట్ ముఠాను నడుపుతున్నందుకు నిందితుడు మనీష్‌ను ఈ నెలలో అమీనాబాద్ పోలీసులు అరెస్టు చేయడంతో పోలీసులు కేసు దర్యాప్తు ప్రారంభించారు. మనీష్ అరెస్ట్ తర్వాత కేసు వివరాలు వెలుగులోకి వచ్చాయని వెస్ట్ జోన్ డిప్యూటీ కమిషనర్ ఆఫ్ పోలీస్ (డీసీపీ) సోమెన్ బర్మా తెలిపారు.

నిందితుడిని అరెస్టు చేసిన తర్వాత ప్రాణాలతో బయటపడిన బాధితురాలితో పోలీసులు పరిచయమయ్యారని నివేదిక వెల్లడించింది. బాధితురాలిని మహిళా గెజిటెడ్ అధికారితో మాట్లాడమని అడిగారు. ఆ తర్వాత నిందితుడు బందీగా ఉన్న సమయంలో తనకు ఎదురైన కష్టాలను, బాధను వివరించింది. బాధితురాలికి రెండు సంవత్సరాల పాప ఉంది. నిందితుల చేతిలో మరికొంత మంది మహిళలు బందీ అయి ఉండొచ్చని పోలీసులు అనుమానిస్తున్నారు. తనపై పలుమార్లు అత్యాచారం జరిగిందని, తనలాంటి అనేక మంది బాలికలను నిందితులు దోపిడీకి గురిచేశారని బాధితురాలు పోలీసులకు తెలిపింది. పోలీసులు తెలిపిన వివరాల ప్రకారం, నిందితుడిని అరెస్టు చేశానని, ఇకపై తనకు హాని చేయనని హామీ ఇచ్చినప్పుడే ఆ మహిళ ధైర్యం తెచ్చుకుంది. బాధితురాలి కుటుంబ సభ్యులతో పోలీసు బృందం టచ్‌లో ఉందని, మేజిస్ట్రేట్ ఎదుట ఆమె వాంగ్మూలాలు నమోదు చేస్తామని డీసీపీ తెలిపారు.

Next Story
Share it