బిల్లు దుజానా.. వాంటెడ్ క్రిమినల్.. ఎలా చ‌నిపోయాడంటే..

ఢిల్లీ-ఎన్‌సీఆర్‌లో కరుడుగట్టిన మోసగాడు, క్రిమినల్ అయిన బిల్లు దుజానా, అతని సహచరుడు రాకేష్ దుజానాను శుక్రవారం అర్థరాత్రి ఘజియాబాద్ పోలీసులు ఎన్‌కౌంటర్‌లో హతమార్చారు. గ్రేటర్ నోయిడాకు చెందిన ఇద్దరు వ్యక్తులను కవినగర్ ప్రాంతంలోని వేవ్ సిటీలో ఏప్రిల్ 20న హత్య చేసిన కేసులో ఇద్దరు దుండగులు పరారీలో ఉన్నారు. ఇందిరాపురం పోలీసులతో జరిగిన ఎన్‌కౌంటర్‌లో బిల్లు దుజానా మరణించగా, మధుబన్ బాపుధామ్ పోలీసులతో జరిగిన ఎన్‌కౌంటర్‌లో 50 వేల రివార్డు ఉన్న రాకేష్ మరణించాడు.

వీరు ఏప్రిల్ 20వ తేదీ రాత్రి వేవ్ సిటీలో ఇద్దరు యువకులను కాల్చి చంపారు. మృతులను ఠానా బాదల్‌పూర్‌లోని డైరీ మచ్చా నివాసి జితేంద్ర.. గౌతమ్ బుద్ నగర్, గిర్ధర్‌పూర్ నివాసి హరేంద్రగా గుర్తించారు. జితేంద్ర భార్య ప్రీతి, బిల్లూ మరియు అతని బంధువులు అనిల్, వినోద్ లపై హత్య కేసు నమోదు చేసింది. మే 8న బిల్లూ దుజానా బంధువు అనిల్‌ ను కవినగర్ పోలీసులు అరెస్టు చేశారు. పరారీలో ఉన్న బిల్లు దుజానాపై లక్ష రూపాయల రివార్డు ప్రకటించారు. విచారణలో రాకేష్ పేరు కూడా బయటకు వచ్చింది. శనివారం తెల్లవారుజామున ఇందిరాపురం పోలీసులు, ఎస్‌వోటీ టీమ్‌తో జరిగిన ఘర్షణలో బిల్లు దుజానా మృతి చెందాడు. అదే సమయంలో మధుబన్ బాపుధామ్ పోలీసులతో జరిగిన ఎన్‌కౌంటర్‌లో రాకేష్ దుజానా కూడా చనిపోయాడు.