గీజర్ నుంచి విషవాయువు.. తల్లి, కూతురు ఊపిరాడక మృతి

శనివారం నార్త్ బెంగళూరులోని గణపతినగర్‌లోని వారి ఇంటి బాత్‌రూమ్‌లో ఓ మహిళ, ఆమె కుమార్తె మృతదేహాలను పోలీసులు కనుగొన్నారు. గీజర్ నుంచి కార్బన్ మోనాక్సైడ్ గ్యాస్ లీకేజీ కావడంతో ఊపిరాడక ఇద్దరు మృతి చెంది ఉంటారని పోలీసులు అనుమానిస్తున్నారు. మృతులను మంగళ (35), ఆమె ఏడేళ్ల కుమార్తె గౌతమి 1వ తరగతి చదువుతున్నట్లు గుర్తించారు. మధ్యాహ్నం నుంచి ఫోన్‌లు చేయక పోవడంతో మంగళ భర్త నరసింహమూర్తి అనుమానం వ్యక్తం చేయడంతో విషయం వెలుగులోకి వచ్చింది. తన భార్య మంగళకు భర్త చాలా సార్లు ఫోన్‌ చేశాడు. అయినా స్పందించకపోవడంతో.. ఇంటికి వెళ్లి చూడమని తన ఇంటి యజమానిని నరసింహమూర్తి అభ్యర్థించాడు.

ఇంటి యజమాని తలుపు లోపలి నుండి లాక్ చేయబడిందని గుర్తించి, ఎలాగోలా కిటికీలోంచి తెరవగలిగాడు. బాత్‌రూమ్‌కు తాళం వేసి ఉందని గుర్తించి చాలాసార్లు తలుపు తట్టినా స్పందన లేదు. దీంతో ఇంటి యజమాని పోలీసులకు, నరసింహమూర్తికి సమాచారం అందించాడు. సమాచారం అందుకున్న పోలీసులు సంఘటనా స్థలానికి చేరుకుని తలుపులు పగులగొట్టి చూడగా మంగళ, గౌతమి పడి ఉన్నారు. ఉదయం 11 గంటలకు స్నానానికి వెళ్లిన సమయంలో ఇద్దరూ స్పృహతప్పి పడిపోయి చనిపోయారని పోలీసు అధికారి ఒకరు తెలిపారు. గీజర్ నుంచి వెలువడిన కార్బన్ మోనాక్సైడ్‌ను పీల్చడంతో తల్లీ, కూతురు ఊపిరాడక మృతి చెందినట్లు అనుమానిస్తున్నట్లు తెలిపారు. మృతుల మృతదేహాలను పోస్ట్‌మార్టం కోసం పంపించామని, ఆ తర్వాతే మృతికి గల కారణాలను తెలుసుకోవచ్చు.