మానసిక వికలాంగురాలిపై అత్యాచారం.. గర్భం దాల్చడంతో వెలుగులోకి

మధ్యప్రదేశ్‌లోని ఇండోర్‌లో ప్రత్యేక వికలాంగుల కోసం ఏర్పాటు చేసిన సదుపాయంలో మానసిక స్థితి సరిగా లేని టీనేజ్ బాలికపై అత్యాచారం జరిగింది, ఆమె గర్భవతి అయిన తర్వాత నేరం వెలుగులోకి వచ్చినట్లు పోలీసులు శుక్రవారం తెలిపారు. 17 ఏళ్ల బాధితురాలి తల్లి ఫిర్యాదు మేరకు గురువారం అర్థరాత్రి అత్యాచారం కేసు నమోదు చేశామని, గుర్తు తెలియని నిందితులను పట్టుకునేందుకు ప్రయత్నాలు కొనసాగుతున్నాయని డిప్యూటీ కమిషనర్ ఆఫ్ పోలీస్ సంపత్ ఉపాధ్యాయ్ తెలిపారు.

నిందితుడిపై భారతీయ శిక్షాస్మృతి, లైంగిక నేరాల నుంచి పిల్లలకు రక్షణ (పోక్సో) చట్టం నిబంధనల కింద అభియోగాలు మోపినట్లు డీసీపీ తెలిపారు. ''బాధితురాలు నిందితుడిని లేదా నేరం జరిగిన తేదీని గుర్తించలేకపోయింది. విచారణతో ముందుకు వెళ్లేందుకు వైద్య నిపుణుల సహాయం తీసుకుంటున్నాం'' అని ఉపాధ్యాయ్ తెలిపారు. ఇదిలావుండగా ఈ సంఘటనకు సంబంధించి దర్యాప్తు ప్యానెల్‌ను ఏర్పాటు చేశామని, అది త్వరలో సామాజిక సంస్థ నిర్వహిస్తున్న సదుపాయాన్ని సందర్శిస్తుందని రాష్ట్ర సామాజిక న్యాయ శాఖ జాయింట్ డైరెక్టర్ సుచితా టిర్కీ తెలిపారు.