హత్య చేసి 12 ఏళ్ల పాటూ తప్పించుకుని తిరిగాడు.. చివరికి

భార్యను హత్య చేసి 12 ఏళ్లపాటు పరారీలో ఉన్న వ్యక్తిని అరెస్టు చేశారు. నిందితుడు వివిధ ప్రాంతాల్లో తలదాచుకుంటూ, స్థలాలను తరచూ మారుస్తూ అరెస్టుల నుండి తప్పించుకోగలిగాడు. ఛత్తీస్‌గఢ్‌లోని దుర్గ్‌లో ఈ ఘటన చోటు చేసుకుంది.

12 సంవత్సరాలకు ముందు భార్యతో గొడవ పడిన సదరు వ్యక్తి భార్యకు నిప్పంటించాడని ఆరోపణలు ఎదుర్కొంటూ ఉన్నాడు. భార్యను హత్య చేసిన తర్వాత అక్కడి నుండి పారిపోయాడు. భార్యాభర్తలిద్దరూ మద్యం సేవించేవారని, మద్యం మత్తులో ఈ హత్య జరిగిందని పోలీసులు తెలిపారు. తన భార్యపై కిరోసిన్ పోసి నిప్పంటించిన తర్వాత నిందితుడు పరారీలో ఉండగా, వైద్యం చేయించినప్పటికీ మహిళ మృతి చెందింది.

పాత కేసుల సాధారణ సమీక్షలో, రాజ్‌నంద్‌గావ్‌లో నిందితుడు ఉన్నట్లు సమాచారం ఓ వ్యక్తి అందించాడు. సమాచారాన్ని ధృవీకరించడానికి పోలీసులు మారువేషాల్లో అతడి దగ్గరకు వెళ్లారు. హత్య చేసి తప్పించుకున్న వ్యక్తి అతడే అని ధృవీకరించుకున్నాక అరెస్టు చేశారు.