ఆస్తి కోసం తండ్రిని హ‌త్య చేసిన కొడుకు

బేగంపేటలో శనివారం రాత్రి ఆస్తి త‌గాదాల నేప‌థ్యంలో ఓ వ్యక్తి తన తండ్రిని హత్య చేశాడు. పోలీసులు తెలిపిన వివరాల ప్రకారం.. మృతుడు అబ్రహం లింకన్ (75) గత కొన్నేళ్లుగా బేగంపేటలోని పత్తిగడ్డలో ఏ రెస్టారెంట్‌లో వంట మనిషిగా పనిచేస్తూ కుటుంబంతో కలిసి ఉంటున్నాడు. శనివారం రాత్రి రెండో భార్య కుమారుడు కిరణ్ (30) బేగంపేటలోని రెస్టారెంట్‌కు వెళ్లి ఆస్తి విషయంలో తండ్రితో వాగ్వాదానికి దిగాడు. ఈ క్ర‌మంలోనే కిరణ్ తన వెంట తీసుకెళ్లిన కత్తితో తండ్రి అబ్రహంను పొడిచి, అక్కడి నుంచి పారిపోయాడు. తీవ్రంగా గాయపడిన అబ్రహంని ప్రైవేట్‌ ఆస్పత్రికి తరలించగా చికిత్స పొందుతూ మృతి చెందినట్లు బేగంపేట పోలీసులు తెలిపారు. కేసు నమోదు చేసి దర్యాప్తు చేస్తున్నారు.