విద్యార్థినుల ప‌ట్ల‌ అసభ్యంగా ప్రవర్తించిన నటుడు.. అరెస్ట్‌

కేరళలోని పాలక్కాడ్‌లో ఇద్దరు పాఠశాల విద్యార్థినులతో అసభ్యంగా ప్రవర్తించిన కేసులో నటుడు శ్రీజిత్ రవిని కేరళలో అరెస్టు చేశారు. 46 ఏళ్ల శ్రీజిత్ రవిపై పోక్సో చట్టం లేదా లైంగిక నేరాల నుంచి పిల్లల రక్షణ కింద అభియోగాలు మోపారు. ఈ ఘటన సోమవారం జరిగినట్లు సమాచారం. శ్రీజిత్ రవి తన కారులోంచి దిగి ఇద్దరు మైనర్ బాలికల ముందు తన ప్రైవేట్ భాగాలను చూపించినట్లు పోలీసులు చెబుతున్నారు. జూలై 4న జరిగిన ఒక సంఘటనపై త్రిసూర్ వెస్ట్ పోలీసులు అతనిని అరెస్టు చేసినట్లు సమాచారం.

9 మరియు 14 సంవత్సరాల వయస్సు గల ఇద్దరు మైనర్ల ముందు సోమవారం నాడు త్రిసూర్‌లోని SN పార్క్, అయ్యంతోల్ వద్ద ఈ పాడు పని చేసినట్లు ఫిర్యాదు చేశారు. పోలీసులు CCTV ఫుటేజీ పరిశీలించి ఆ వ్యక్తి శ్రీజిత్ అని నిర్ధారించారు. శ్రీజిత్ రవిపై అసభ్యకర కేసు నమోదు కావడం ఇదే మొదటిసారి కాదు. 2016లో, పాలక్కాడ్‌కు చెందిన 14 మంది పాఠశాల విద్యార్థినుల బృందం ముందు కూడా ఇలాంటి పనే చేశాడని ఆరోపించారు. దీంతో అతడిని అరెస్ట్ చేశారు. ఆ సమయంలో రవికి బెయిల్ మంజూరైంది.