పెళ్లి కొడుకు మెడలోని డబ్బుల దండ‌ను కొట్టేసిన బాలుడు.. విలువ ఎంతంటే..

కొన్ని కొన్ని చోట్ల పెళ్లి కొడుకు మెడలో హారాలను డబ్బులతో తయారు చేసింది వేస్తూ ఉంటారు. ఏ మాత్రం ఆదమరచి ఉన్నా వాటిని కొట్టేసే వాళ్లు ఉంటారు. అయితే ఓ పెళ్లి కొడుకు మెడలో వేసిన హారాన్ని 14 సంవత్సరాల బాలుడు కొట్టేశాడు. ₹1,64,500 విలువైన కరెన్సీ నోట్లతో ఉన్న వరుడి దండను లాక్కున్నందుకు 14 ఏళ్ల బాలుడిని అదుపులోకి తీసుకున్నట్లు పోలీసులు తెలిపారు. ఈ ఘటన పశ్చిమ ఢిల్లీలోని మాయాపురిలో చోటుచేసుకుంది.

బుధవారం పెళ్లి వేడుకకు గుర్రంపై కూర్చోబోతుండగా ఓ బాలుడు వరుడి దండను లాక్కెళ్లాడనే విషయం వెలుగులోకి వచ్చిందని పోలీసులు తెలిపారు. భారతీయ శిక్షాస్మృతి (ఐపిసి) సెక్షన్ 356, 379 (దొంగతనం) కింద కేసు నమోదు చేసి దర్యాప్తు చేపట్టామని వారు తెలిపారు. డిప్యూటీ కమిషనర్ ఆఫ్ పోలీస్ (పశ్చిమ) ఘన్‌షామ్ బన్సాల్ మాట్లాడుతూ, దర్యాప్తు సమయంలో సమీప ప్రాంతాలలోని సిసిటివి ఫుటేజీలను పరిశీలించామని అన్నారు. నిఘా ద్వారా, బాలుడిని హరి నగర్‌లోని అతని ఇంటి నుండి అదుపులోకి తీసుకున్నారు. అతని ఇంటి నుండి మొత్తం 329 నోట్లలో డెబ్బై తొమ్మిది 500 నోట్లు మాత్రమే స్వాధీనం చేసుకున్నామని, తదుపరి విచారణ కొనసాగుతోందని పోలీసులు తెలిపారు.