16 ఏళ్ల బాలుడిపై రెండేళ్లుగా లైంగిక దాడి చేసిన 14 మంది.. తొమ్మిది మంది అరెస్టు
16 ఏళ్ల బాలుడిపై పదే పదే లైంగిక దాడికి పాల్పడిన కేసులో కేరళ పోలీసులు అరెస్టు చేసిన తొమ్మిది మందిలో ఒక రాజకీయ నాయకుడు, ఇద్దరు ప్రభుత్వ ఉద్యోగులు, ఒక ఫుట్‌బాల్ కోచ్ ఉన్నారు.
By - Medi Samrat
16 ఏళ్ల బాలుడిపై పదే పదే లైంగిక దాడికి పాల్పడిన కేసులో కేరళ పోలీసులు అరెస్టు చేసిన తొమ్మిది మందిలో ఒక రాజకీయ నాయకుడు, ఇద్దరు ప్రభుత్వ ఉద్యోగులు, ఒక ఫుట్‌బాల్ కోచ్ ఉన్నారు. నిందితులు గే డేటింగ్ యాప్ ద్వారా ఆ యువకుడితో స్నేహం చేశారని తెలుస్తోంది.
కాసర్‌గోడ్ పోలీస్ చీఫ్ విజయ భరత్ రెడ్డి మాట్లాడుతూ.. 10వ తరగతి విద్యార్థి రెండేళ్ల క్రితం ఈ యాప్ ను డౌన్‌లోడ్ చేసుకున్నట్లు తెలుస్తోందని అన్నారు. కాసర్‌గోడ్, కన్నూర్, కోజికోడ్, ఎర్నాకుళంలోని 14 మంది వ్యక్తులు రెండేళ్లుగా అతనిపై దాడి చేసినట్లు అనుమానిస్తున్నట్లు తెలిపారు.
లైంగిక దాడులు బాలుడి ఇంట్లో, ఇతర జిల్లాల్లోని వివిధ ప్రాంతాలలో జరిగాయని తెలుస్తోంది. ఇంటికి వచ్చిన తర్వాత ఒక వ్యక్తి పారిపోతున్నట్లు బాలుడి తల్లికి అనుమానం రావడంతో ఈ కేసు వెలుగులోకి వచ్చింది. ఆమె తన కొడుకును ప్రశ్నించినప్పుడు, ఏమి జరుగుతుందో అతను బయట పెట్టాడు. తల్లి వెంటనే చైల్డ్ హెల్ప్‌లైన్‌ను సంప్రదించగా, వెంటనే పోలీసులను అప్రమత్తం చేశారని పోలీసులు తెలిపారు. బాలుడి వాంగ్మూలం తర్వాత, పోలీసులు 16 మందిపై లైంగిక నేరాల నుండి పిల్లల రక్షణ (POCSO) చట్టం, 2012 కింద 14 ప్రత్యేక కేసులు నమోదు చేశారు.
