రైలులో దారుణం.. గర్భిణీపై ఇద్దరు లైంగిక దాడి.. కేకలు వేయడంతో..

తమిళనాడులో ఘోరం జరిగింది. రైలులో ప్రయాణిస్తున్న నాలుగు నెలల గర్భవతి అయిన మహిళపై లైంగిక దాడి జరిగింది. ఆ తర్వాత ఆమెను రైలు నుంచి తోసేశారు. ఆంధ్రప్రదేశ్‌లోని చిత్తూరుకు రైలులో ప్రయాణిస్తున్నట్లు చెప్పబడుతున్న మహిళపై శుక్రవారం తెల్లవారుజామున తిరుపత్తూరు జిల్లాలోని జోలార్‌పేట్‌ సమీపంలో ఇద్దరు వ్యక్తులు లైంగిక దాడికి పాల్పడ్డారు. ఆ మహిళ టాయిలెట్‌కు వెళ్లడానికి వెళ్లగా, ఇద్దరు వ్యక్తులు ఆమెను వెంబడించారు. ఆమె సహాయం కోసం కేకలు వేయడం ప్రారంభించడంతో, వారు ఆమెను రైలు నుండి బయటకు తోసివేశారు.

కోయంబత్తూరులోని ఒక దుస్తుల కంపెనీలో పనిచేస్తున్న ఆ మహిళకు చేయి, కాలు విరిగిపోయాయి, తలకు గాయమైంది. ఆమెను చికిత్స కోసం వెల్లూరులోని జిల్లా ప్రభుత్వ ఆసుపత్రికి తరలించారు. జోలార్‌పేట పోలీసులు కేసు నమోదు చేయగా, రైల్వే పోలీసులు నిందితులను గుర్తించడానికి సీసీటీవీ ఫుటేజ్‌లను పరిశీలించారు. ఈ కేసులో విచారణ నిమిత్తం హేమరాజ్ అనే వ్యక్తిని కూడా పోలీసులు అదుపులోకి తీసుకున్నారు. ఈ సంఘటనను ఏఐఏడీఎంకే ప్రధాన కార్యదర్శి ఎడప్పాడి కె పళనిస్వామి ఖండించారు.