ప్రైవేట్‌ భాగాలను తాకుతూ.. 4 ఏళ్ల బాలికను వేధించిన 92 ఏళ్ల వృద్ధుడు.. సీసీకెమెరాలో రికార్డ్‌

గుజరాత్‌లోని రాజ్‌కోట్‌లో నాలుగేళ్ల బాలికపై వేధింపులకు పాల్పడిన 92 ఏళ్ల వృద్ధుడిని అరెస్టు చేసినట్లు పోలీసులు శనివారం తెలిపారు. నవలశంకర్ దేశాయ్‌గా గుర్తింబడిన నిందితుడి పొరుగింట్లో ఉంటున్న బాలిక, ఆ వ్యక్తి తనను అనుచితంగా తాకినట్లు ఆమె తల్లికి చెప్పడంతో ఈ సంఘటన వెలుగులోకి వచ్చింది. చిన్నారి తల్లి స్థానిక పోలీసులకు అధికారికంగా ఫిర్యాదు చేసింది.

"గురువారం, నేను మా ఇంటి బయట కూర్చొని ఉండగా, పొరుగు ఇంటి దగ్గర ఆడుకుంటున్న నా నాలుగేళ్ల కుమార్తె వచ్చి, వృద్ధుడు తన ప్రైవేట్ భాగాలను తాకాడని నాకు చెప్పింది. దాని కారణంగా, ఆమె భయపడి నా దగ్గరికి వచ్చింది" అని ఆ మహిళ తన ఫిర్యాదులో పేర్కొంది. ఆ తర్వాత బాలిక తల్లి సీసీటీవీ ఫుటేజీని పరిశీలించి ఘటన మొత్తాన్ని బంధించింది. ఆ తర్వాత ఆమె పోలీసులను ఆశ్రయించింది.

మహిళ ఫిర్యాదు మేరకు పోలీసులు అదేరోజు దేశాయ్‌ను అరెస్టు చేసి కోర్టులో హాజరుపరిచారు. "సీసీటీవీ ఫుటేజీ ఆధారంగా నిందితుడిని అరెస్ట్ చేసి కోర్టులో హాజరుపరిచాం. మూడు, నాలుగు రోజుల్లో ఛార్జిషీట్ దాఖలు చేస్తాం, తద్వారా అతనికి త్వరలో శిక్ష పడుతుంది. మేము అన్ని సందర్భోచిత ఆధారాలను కూడా సేకరించాము", జోన్ 2 డిసిపి జగదీష్ బంగారువానె అన్నారు.

శుక్రవారం, పోలీసులు భారతీయ న్యాయ సంహిత (బిఎన్ఎస్) సెక్షన్ 164 కింద బాలిక వాంగ్మూలాన్ని కూడా మేజిస్ట్రేట్ ముందు నమోదు చేశారు. నిందితుడు నవల్‌శంకర్ దేశాయ్ తన మనవడు, 60 ఏళ్ల కుమార్తెతో కలిసి రాజ్‌కోట్‌లోని రైల్‌నగర్ ప్రాంతంలో నివసిస్తున్నాడు.