విషాదం.. సెప్టిక్ ట్యాంక్‌లో పడి.. 6 ఏళ్ల బాలుడు మృతి
6-year-old dies after falling into open septic tank in Jaipur. రాజస్థాన్‌ రాష్ట్రంలోని జైపూర్‌లో విషాద చోటు చేసుకుంది. సోమవారం 6 ఏళ్ల బాలుడు మూతలేని సెప్టిక్ ట్యాంక్‌లో పడి మృతి
By అంజి
రాజస్థాన్‌ రాష్ట్రంలోని జైపూర్‌లో విషాద చోటు చేసుకుంది. సోమవారం 6 ఏళ్ల బాలుడు మూతలేని సెప్టిక్ ట్యాంక్‌లో పడి మృతి చెందాడు. ముహనా మండిలో గల కూరగాయలు, పండ్ల హోల్‌సేల్ మార్కెట్ దగ్గర ఈ ఘటన జరిగింది. సాయంత్రం ఈ ఘటన జరగ్గా.. సివిల్ డిఫెన్స్ బృందం బాలుడి మృతదేహాన్ని బయటకు తీయగలిగారు. బాలుడు మృతి చెందినట్లు ఆస్పత్రి వర్గాలు ప్రకటించాయి. బాలుడిని శేఖర్‌గా గుర్తించారు. గుర్తుతెలియని వ్యక్తులపై నిర్లక్ష్యం కారణంగా మరణానికి కారణమైనట్లు పోలీసులు కేసు నమోదు చేసి, సెప్టిక్ ట్యాంక్‌లను కప్పి ఉంచడానికి ఎవరు బాధ్యులని నిర్ధారించడానికి దర్యాప్తు చేస్తారు.
బాలుడు సెప్టిక్ ట్యాంక్‌లో పడటాన్ని చూసిన స్థానికులు కొందరు గట్టిగా కేకలు వేశారు. కాగా పోలీసులు వెంటనే సివిల్ డిఫెన్స్ బృందానికి సమాచారం అందించారు. రెండు బృందాలు సంఘటనా స్థలానికి చేరుకున్నాయి. "అది బురదతో నిండి ఉంది కాబట్టి, అబ్బాయిని గుర్తించడానికి ట్యాంక్‌ను ఆరబెట్టడం మాకు అవసరం. యంత్రాల సహాయంతో బురదను బయటకు పంపారు" అని సీనియర్ పోలీసు అధికారి ఒకరు తెలిపారు. "ట్యాంక్ ఎండిపోయిన తర్వాత, బాలుడు అపస్మారక స్థితిలో కనిపించాడు. తరువాత మా వాలంటీర్ బాలుడిని బయటకు తీశారు. బయటకు తీసినప్పుడు ఊపిరి ఆడలేదు. అతన్ని వెంటనే జైపురియా ఆసుపత్రికి తరలించారు. అక్కడ అతను చనిపోయినట్లు ప్రకటించబడింది. అని సివిల్ డిఫెన్స్ వాలంటీర్ మహేంద్ర సెవ్దా అన్నారు. సెప్టిక్ ట్యాంక్ నిండా బురద ఉండడంతో శ్వాసకోశ వైఫల్యం కారణంగా మృతి చెంది ఉండవచ్చని పోలీసులు తెలిపారు.
