రెండు ఘోర రోడ్డు ప్రమాదాలు.. 11 మంది మృతి, 30 మందికిపైగా గాయాలు.. పరిహారం ప్రకటించిన సీఎం

11 killed, 30 injured in two separate road mishaps in Odisha. ఒడిశాలో జరిగిన రెండు వేర్వేరు రోడ్డు ప్రమాదాల్లో 11 మంది వ్యక్తులు మరణించారు. 30 మందికి పైగా గాయపడ్డారు.

By అంజి  Published on  23 Jan 2022 6:11 AM GMT
రెండు ఘోర రోడ్డు ప్రమాదాలు.. 11 మంది మృతి, 30 మందికిపైగా గాయాలు.. పరిహారం ప్రకటించిన సీఎం

ఒడిశాలో శనివారం జరిగిన రెండు వేర్వేరు రోడ్డు ప్రమాదాల్లో 11 మంది వ్యక్తులు మరణించారు. 30 మందికి పైగా గాయపడ్డారు. బొగ్గుతో కూడిన ట్రక్కు బస్సును ఢీకొట్టింది. ఈ ఘటనలో శనివారం మధ్యాహ్నం సోరో వద్ద జాతీయ రహదారి 16పై చోటు చేసుకుంది. మయూర్‌భంజ్ జిల్లాలోని మణిత్రి నుండి భువనేశ్వర్‌కు వెళ్తున్న బస్సును బొగ్గుతో కూడిన ట్రక్కు ఢీకొనడంతో బాలిక, ఆమె తల్లిదండ్రులతో సహా ఆరుగురు వ్యక్తులు మరణించారు. 'శాంతిలత' అనే బస్సు ఉడలా నుంచి భువనేశ్వర్‌కు వెళ్తోంది. మధ్యాహ్నం 1.10 గంటలకు, ప్రయాణీకులను ఎక్కేందుకు నేషనల్‌ హైవే-16లో బిదు చక్ దగ్గర ఆగినప్పుడు బొగ్గు ట్రక్కు దానిని వెనుక నుండి ఢీకొట్టింది. దీని ప్రభావం తీవ్రంగా ఉండడంతో బస్సు, ట్రక్కు రెండూ రోడ్డుపై నుంచి రోడ్డు పక్కనే ఉన్న కాలువలో పడిపోయాయి.

"ముగ్గురు వ్యక్తులు అక్కడికక్కడే మరణించగా, మరో ముగ్గురు చికిత్స పొందుతూ మరణించారు. మరో ఆరుగురి ఆరోగ్య పరిస్థితి విషమంగా ఉందని బస్సు యజమాని దిలీప్ చౌదరి తెలిపారు. బస్సులో ఉన్న మరో డజను మంది ప్రయాణికులు గాయపడగా, ట్రక్కు డ్రైవర్ మరియు సహాయకుడు పరిస్థితి విషమంగా ఉన్నట్లు సమాచారం. మృతుల కుటుంబాలకు ముఖ్యమంత్రి నవీన్ పట్నాయక్ ఒక్కొక్కరికి 2 లక్షల చొప్పున పరిహారం ప్రకటించారు. క్షతగాత్రులకు మెరుగైన వైద్యం అందేలా చూడాలని అధికారులను ఆదేశించారు.

అంతకుముందు శనివారం తెల్లవారుజామున సోనేపూర్ జిల్లాలోని మహానది నదిపై వంతెపై బొలెరో జీపు.. ఎస్‌యూవీ ట్రక్కు అదుపు తప్పి ఢీకొట్టింది. ఈ ఘటనలో తండ్రీకూతుళ్లతో సహా పెళ్లికొడుకు ఐదుగురు మరణించారు. ఐదుగురు తీవ్రంగా గాయపడ్డారు. సోనేపూర్ ఎస్పీ సీతారాం సత్పతి మాట్లాడుతూ.. సోనేపూర్ జిల్లా ఉల్లుందా బ్లాక్ పరిధిలోని నిమ్మా, పంచమహాల గ్రామానికి చెందిన 10 మంది కౌడియాముండా గ్రామంలో ఒక వివాహ కార్యక్రమానికి హాజరై తిరిగి వస్తుండగా, తెల్లవారుజామున 1 గంటల సమయంలో వారు ప్రయాణిస్తున్న బొలెరో జీపు మహానది వంతెనపై నుండి ట్రక్కును ఢీకొట్టింది. పోలీసులు మరియు ఇతర రెస్క్యూ టీమ్‌లు గ్యాస్ కట్టర్‌ల సహాయంతో బాగా చితికిపోయిన వాహనం నుండి మరో ఐదుగురిని రక్షించారు.

Next Story
Share it