Fact Check : భారత సైనికులను చైనా ఆర్మీ శిక్షించిందంటూ వీడియో వైరల్..?

By న్యూస్‌మీటర్ తెలుగు  Published on  30 Jun 2020 5:54 AM GMT
Fact Check : భారత సైనికులను చైనా ఆర్మీ శిక్షించిందంటూ వీడియో వైరల్..?

గల్వాన్ లోయ వద్ద భారత్-చైనా సైనికుల మధ్య చోటుచేసుకున్న గొడవలో భారత్ కు చెందిన 21 మంది సైనికులు వీరమరణం పొందారు. భారత్-చైనాల మధ్య ఉన్న సంబంధాలు అంతకంతకూ క్షీణిస్తున్నాయి. ఈ ఉద్రిక్త పరిస్థితుల గురించి ప్రపంచ దేశాలు కూడా ఆందోళన వ్యక్తం చేస్తున్నాయి. కొందరు మాత్రం భారత ఆర్మీ ని తక్కువ చేసి చూపించే ప్రయత్నాలు మొదలుపెట్టారు.

అలాంటి ఓ వీడియోను సామాజిక మాధ్యమాల్లో వైరల్ చేస్తూ ఉన్నారు. కొందరు సైనికులు కింద పడుకుని ఉండగా వారి నోట్లో గుడ్డలు కుక్కి ఉండడం చూడొచ్చు. వారిని చేతులను, కాళ్లను కట్టి ఉంచారు. ఈ వీడియోని ‘Waqas Malik ‘Vicky’ అనే యూట్యూబ్ ఛానల్ లో పోస్టు చేశారు. Chinese Army punishing Indian Army అనే టైటిల్ ను ఈ వీడియోకు ఉంచారు. చైనీస్ ఆర్మీ భారత జవాన్లను కఠినంగా శిక్షిస్తోందని.. ఇటీవల గల్వాన్ లో చోటుచేసుకున్న ఘటన తర్వాత ఇది చోటుచేసుకుందని ఆ వీడియో ద్వారా చెబుతున్నారు.

ఫేస్ బుక్, ట్విట్టర్ లో కూడా ఈ వీడియోను షేర్ చేశారు.

నిజ నిర్ధారణ:

భారత సైనికులను చైనా ఆర్మీ శిక్షించిందంటూ వైరల్ అవుతున్న వీడియో పచ్చి అబద్దం.

ఈ వీడియోలకు చెందిన కీఫ్రేమ్స్ ను ఉపయోగించి రివర్స్ ఇమేజ్ సెర్చ్ చేయగా.. ఇందుకు సంబంధించిన ఎక్కువ నిడివి గల వీడియోలు దొరికాయి. TikTok లోగో ఉండి ahmed_shabir అనే ఐడీలో కనిపించింది.

ఏప్రిల్ 21, 2020న వీడియోను అప్లోడ్ చేశారు. ఈ వీడియోలో సైనికులు నవ్వుతూ ఉండడమే కాకుండా, తమ శిక్షణ మొదలు పెట్టడానికి రెడీ అవుతుండడం గమనించవచ్చు.

https://www.tiktok.com/@ahmed__kabir/video/6818190621312945414

Mixer World అనే యూట్యూబ్ ఛానల్ లో ‘Bangladesh Army hard training.বাংলাদেশ আর্মি ট্রেনিং কতটা ভয়ানক,কতটা জীবনের ঝুঁকি নিয়ে ট্রেনিং করতে’. వీడియో దొరికింది. ఈ వీడియోలో సైనికులు బెంగాలీలో మాట్లాడుకోవడం గమనించవచ్చు. ఈ వీడియోను అక్టోబర్ 3, 2019 లో అప్లోడ్ చేశారు. భారత్-చైనా గొడవల కంటే ముందే ఈ వీడియో యూట్యూబ్ లో ఉంది.

బంగ్లాదేశ్ ఆర్మీలో ఇచ్చే కఠినమైన శిక్షణకు సంబంధించిన వీడియో ఇదని అందులో రాసుకుని వచ్చారు. ఎంత కఠినమైన ట్రైనింగ్ అయినా బంగ్లాదేశ్ సైనికులు తట్టుకుంటారన్నది ఈ వీడియో నిదర్శనం అని ఆ వీడియో డిస్క్రిప్షన్ లో రాసుకుని వచ్చారు. బంగ్లాదేశ్ కోసం ప్రాణాలైనా అర్పించడానికి సిద్ధమైన వారికి ఇచ్చే కఠిన శిక్ష ఇదని అందులో రాసుకుని వచ్చారు. ఆర్మీలో చేరాలి అనుకుంటున్న వాళ్ళను భయపెట్టడానికి ఈ వీడియో అప్లోడ్ చేయలేదని, కఠినమైన ట్రైనింగ్ ఎలా ఉంటుందో తెలియజేయాలని ఈ వీడియోను అప్లోడ్ చేశామని అన్నారు.

ఇండియా టుడే కూడా ఈ వీడియోలు ఫేక్ అని తేల్చింది.

https://www.indiatoday.in/fact-check/story/fact-check-army-training-video-goes-viral-as-chinese-forces-torturing-indian-soldiers-1694911-2020-06-28

చైనీస్ ఆర్మీ భారత సైనికులను హింసిస్తోంది అనే వార్తల్లో ఎలాంటి నిజం లేదు. బంగ్లాదేశ్ సైనికులకు కఠినమైన శిక్షణ ఇస్తున్నప్పటి వీడియో అది.

భారత జవాన్ లను చైనా ఆర్మీ శిక్షించిందంటూ వైరల్ అవుతున్న వీడియో అబద్దం.

Claim Review:Fact Check : భారత సైనికులను చైనా ఆర్మీ శిక్షించిందంటూ వీడియో వైరల్..?
Claim Fact Check:false
Next Story
Share it