నూతన ఇన్నోవా క్రిస్టా టాప్‌ గ్రేడ్స్‌ ధరలను ప్రకటించిన టయోటా కిర్లోస్కర్‌ మోటర్‌

టయోటా కిర్లోస్కర్‌ మోటర్‌ (టీకెఎం) నేడు తమ నూతన ఇన్నోవా క్రిస్టా రెండు గ్రేడ్స్‌ (జెడ్‌ఎక్స్‌, వీఎక్స్‌) ధరలను వెల్లడించింది. ఈ వాహనం మెరుగైన ఫ్రంట్‌ ఫేసిమా కలిగి ఉంటుంది. వీటిని కఠినమైన, ధృడమైన ప్రదర్శన కోసం నిర్థిష్టమైన ప్రాధాన్యతలను దృష్టిలో ఉంచుకుని రూపొందించారు. తద్వారా ఈ వాహ‌నం భారతీయ కుటుంబాలు, వ్యాపారవేత్తలు, కార్పోరేట్‌ అవసరాలు తీరుస్తుంది.

ఎక్స్‌ షోరూమ్‌ ధరలు, గ్రేడ్‌ల వారీగా ఈ విధంగా ఉన్నాయి.

ఈ ఎక్స్‌ షోరూమ్‌ ధరలు దేశవ్యాప్తంగా అన్ని గ్రేడ్‌లకూ వర్తిస్తాయి. ప్రీమియం కలర్స్‌కు అదనపు ధరలు వర్తిస్తాయి. ఈ సందర్భంగా టయోటా కిర్లోస్కర్‌ మోటర్‌ సేల్స్‌, స్ట్రాటజిక్‌ మార్కెటింగ్‌ వైస్‌ ప్రెసిడెంట్ అతుల్‌ సూద్‌ మాట్లాడుతూ ‘‘ నూతన ఇన్నోవా క్రిస్టల్‌ డీజిల్‌ టాప్‌ టూ గ్రేడ్‌ ధరలను వెల్లడిస్తున్నందుకు మేము సంతోషిస్తున్నాము. ఈ వాహనాన్ని వినియోగదారులు అన్ని నూతన వేరియంట్లలోనూ ఆదరిస్తున్నారు. దీని యొక్క కఠినమైన, ధృడమైన ముందు భాగం మరియు శైలి, సౌకర్యం, పనితీరు సమ్మేళనం ఇన్నోవా వారసత్వంను ముందుకు తీసుకువెళ్లనుంది. ఈ వాహనంలో అత్యాధునిక భద్రతా ఫీచర్లు ప్రయాణీకులకు అత్యున్నత భద్రతను అందించనున్నాయి. ఈ వాహనం అందించే మెరుగైన డ్రైవింగ్‌ అనుభవాలను మా వినియోగదారులు ఆస్వాదించడంతో పాటుగా ప్రశంసించగలరనే నమ్మకంతో ఉన్నాము’’అని అన్నారు.

ఈ నూతన ఇన్నోవా క్రిస్టా ను 50వేల రూపాయలు చెల్లించి బుక్‌ చేసుకోవచ్చు. వినియోగదారులు డీలర్‌ ఔట్‌లెట్లుతో పాటుగా www.toyotabharat.com.. వద్ద ఆన్‌లైన్‌లో బుక్‌ చేసుకోవచ్చు. ఈ నూతన ఇన్నోవా క్రిస్టా నాలుగు గ్రేడ్స్‌ G, GX, VX & ZX మరియు ఐదు రంగులు– సూపర్‌ వైట్‌, ఆటిట్యూడ్‌ బ్లాక్‌ మికా, అవంత్‌ గ్రేడ్‌ బ్రాంజ్‌ మెటాలిక్‌, ప్లాటినమ్‌ వైట్‌ పెరల్‌ మరియు సిల్వర్‌ మెటాలిక్‌లో లభ్యమ‌వ‌నుంది.