నాయిస్ కలర్‌ఫిట్ అల్ట్రా బజ్ : స‌రికొత్త స్మార్ట్ వాచ్

నాయిస్ కలర్ ఫిట్ అల్ట్రా బజ్ భారతదేశంలో అధికారికంగా లాంచ్ అయింది. అది కూడా ప్రీమియం లుకింగ్ డిజైన్ తో..! 5000 రూపాయల లోపలే స్మార్ట్ వాచ్ ను తీసుకుని వచ్చింది. హెల్త్, యాక్టివిటీ ట్రాకింగ్ ఫీచర్స్ ఇందులో ఉన్నాయి. కలర్ ఫిట్ అల్ట్రా బజ్ లో రెక్టాంగిల్ డయల్ ఉంది.. ఇంతకు ముందు నాయిస్ కంపెనీ లాంచ్ చేసిన వాచ్ ల తరహాలోనే ఉంటుంది.

నాయిస్ కలర్‌ఫిట్ అల్ట్రా బజ్: స్పెసిఫికేషన్‌స్- ఫీచర్‌లు

నాయిస్ కలర్‌ఫిట్ అల్ట్రా బజ్ 1.75-అంగుళాల డిస్‌ప్లేను మినిమల్ బెజెల్స్‌తో కలిగి ఉంది. కుడి వైపున నావిగేషన్ బటన్‌తో వస్తుంది. స్మార్ట్‌వాచ్ నుండి కాల్‌లను అంగీకరించే, తిరస్కరించే, తనిఖీ చేసే సామర్థ్యాన్ని అందించే బ్లూటూత్ కాలింగ్ మద్దతుతో వాచ్ వస్తుంది. మీ స్మార్ట్‌ఫోన్ బ్లూటూత్ ద్వారా కనెక్ట్ అయినప్పుడు మాత్రమే స్మార్ట్‌వాచ్‌లోని కాలింగ్ ఫీచర్ పని చేస్తుంది. స్మార్ట్‌వాచ్ లో ఎటువంటి ఇబ్బంది లేకుండా వాచ్ నుండి టెక్స్ట్ సందేశాలు, నోటిఫికేషన్‌లకు నేరుగా ప్రత్యుత్తరం ఇవ్వగల సామర్థ్యంతో వస్తుంది.

హార్ట్ రేట్ మానిటరింగ్, బ్లడ్ ఆక్సిజన్ స్థాయి ట్రాకింగ్ కోసం SpO2, స్లీప్ మానిటరింగ్ వంటి ఫీచర్స్ తో వస్తుంది. అదనంగా, వాచ్‌లో స్టెప్స్ కౌంటర్, స్ట్రెస్ లెవెల్ ట్రాకర్‌ వంటి వాటికి సంబంధించిన డేటా ఉంటుంది. స్మార్ట్‌వాచ్‌లలో చూపబడిన ఫలితాలు మీ ఆరోగ్యం గురించి ఖచ్చితమైన ఫలితాలను చూపించకపోవచ్చని సూచించారు. స్మార్ట్‌వాచ్ 100 విభిన్న కార్యకలాపాల కోసం అనేక రకాల స్పోర్ట్స్ మోడ్‌లతో ప్రారంభించబడింది. స్మార్ట్‌వాచ్‌లో స్పోర్ట్స్ మోడ్‌లు రన్నింగ్, అవుట్‌డోర్ స్పోర్ట్స్, హైకింగ్, సైక్లింగ్, ఇండోర్ స్పోర్ట్స్ లాంటివే కాకుండా.. డ్రింక్ వాటర్ రిమైండర్‌లు, స్టాక్ మార్కెట్ అప్‌డేట్‌లు, వంటి సాధారణ ఫీచర్‌లు ఉన్నాయి.

నాయిస్ కలర్‌ఫిట్ అల్ట్రా బజ్: ధర, లభ్యత

పరిచయ ఆఫర్‌గా, నాయిస్ కలర్‌ఫిట్ అల్ట్రా బజ్ స్మార్ట్‌వాచ్ ధర భారతదేశంలో రూ. 3,499 గా నిర్ణయించారు. రెగ్యులర్ ధర 5999 గా ఉంది. ఈ సరికొత్త స్మార్ట్‌వాచ్‌ని మూడు విలక్షణమైన రంగులలో తీసుకువచ్చింది. చార్కోల్ బ్లాక్, షాంపైన్ గ్రే, ఆలివ్ గ్రీన్ లో అందుబాటులో ఉంది. స్మార్ట్ వాచ్ సేల్ భారతదేశంలో అమెజాన్, నాయిస్ అధికారిక వెబ్‌సైట్ ద్వారా ఏప్రిల్ 28 మధ్యాహ్నం నుండి ప్రారంభమవుతుంది.