భారతదేశంలో చౌకైన ప్రీపెయిడ్ రీఛార్జ్ ప్లాన్‌ను పరిచయం చేసిన జియో.. అంత తక్కువకా అని అనుకుంటారు

Jio Introduces Cheapest Prepaid Recharge Plan in India. రిలయన్స్ జియో అతి చవకైన కొత్త ప్రీపెయిడ్ రీఛార్జ్ ప్లాన్‌ను ప్రవేశపెట్టింది.

By Medi Samrat
Published on : 15 Dec 2021 4:22 PM IST

భారతదేశంలో చౌకైన ప్రీపెయిడ్ రీఛార్జ్ ప్లాన్‌ను పరిచయం చేసిన జియో.. అంత తక్కువకా అని అనుకుంటారు

రిలయన్స్ జియో అతి చవకైన కొత్త ప్రీపెయిడ్ రీఛార్జ్ ప్లాన్‌ను ప్రవేశపెట్టింది. దేశంలోని ఏ నెట్‌వర్క్ ప్రొవైడర్ల ద్వారా కూడా దక్కని ఈ కొత్త ప్లాన్ దేశంలోనే అత్యంత చౌకైన ప్రీపెయిడ్ రీఛార్జ్ ప్లాన్ అని జియో చెబుతోంది. దీనికి ఒక్క రూపాయి మాత్రమే ఖర్చు అవుతుంది.. 30 రోజుల చెల్లుబాటు కూడా ఉంటుంది. అవసరమైన దానికంటే ఎక్కువ డేటాను కొనుగోలు చేయకూడదనుకునే వినియోగదారులకు ఈ చౌకైన రీఛార్జ్ ప్లాన్ పనికొస్తుంది. రీఛార్జ్ ప్లాన్ MyJio యాప్‌లో కనిపిస్తోంది.

1 రూపాయి ప్రీపెయిడ్ రీఛార్జ్ ప్లాన్ 30 రోజుల చెల్లుబాటు మరియు 100MB డేటాతో వస్తుంది. వినియోగదారులు పేర్కొన్న డేటాను వినియోగించిన తర్వాత, వారు 64Kbps ఇంటర్నెట్ బ్రౌజింగ్ వేగం పొందుతారు. Jio యొక్క కొత్త రీఛార్జ్ ప్లాన్ MyJio యాప్‌లోని ఇతర ప్లాన్‌ల క్రింద ఉన్న 'value' విభాగంలో చూడవచ్చు. ఈ ప్లాన్‌ని 10 సార్లు ఉపయోగించినట్లయితే, వినియోగదారులకు దాదాపు 1GB హై స్పీడ్ డేటా అందుతుంది. ఇది డెడికేటెడ్ 1GB డేటా ప్లాన్ కంటే చౌకగా ఉంటుంది. సాధారణంగా ఒక జీబీ డేటా కావాలంటే 15 రూపాయలు వెచ్చించాల్సి ఉంటుంది.

ఈ సమయంలో జియో కాకుండా దేశంలోని మరే ఇతర నెట్‌వర్క్ ప్రొవైడర్ కూడా ఇంత తక్కువ ధరలో ప్రీపెయిడ్ రీఛార్జ్ ప్లాన్‌ను అందించడం లేదు. తమకు అవసరమైన దానికంటే ఎక్కువ డేటాను కొనుగోలు చేయకూడదనుకునే వినియోగదారులకు ఈ ప్లాన్ చాలా బాగుంది. ప్రస్తుతానికి ఈ ప్లాన్‌తో ఎన్ని సార్లు రీఛార్జ్ చేయగలుగుతారు అనే దానిపై కూడా ఎటువంటి నిర్ధారణ లేదు.


Next Story