పులివెందులలో వైఎస్ జగన్.. అక్కడ సెల్ఫీ

వైఎస్సార్‌సీపీ అధినేత వైఎస్‌ జగన్‌ మోహన్ రెడ్డి మంగళవారం నాడు పులివెందుల నియోజకవర్గం ఇడుపులపాయలో పర్యటించారు

By Medi Samrat
Published on : 29 Oct 2024 7:45 PM IST

పులివెందులలో వైఎస్ జగన్.. అక్కడ సెల్ఫీ

వైఎస్సార్‌సీపీ అధినేత వైఎస్‌ జగన్‌ మోహన్ రెడ్డి మంగళవారం నాడు పులివెందుల నియోజకవర్గం ఇడుపులపాయలో పర్యటించారు. ఇడుపులపాయలోని వైఎస్సార్‌ ఘాట్‌ వద్ద దివంగత సీఎం వై‌ఎస్‌ రాజశేఖర్‌రెడ్డి విగ్రహానికి పూలమాల వేసి నివాళులర్పించారు. వైఎస్‌ జగన్‌ మంగళవారం ఉదయమే బెంగళూరు నుంచి ఇడుపులపాయకు చేరుకున్నారు. వేంపల్లిలో వైఎస్సార్‌సీపీ నేత రుద్ర భాస్కర్‌ రెడ్డి నివాసానికి వెళ్లి ఇటీవల వివాహం జరిగిన ఆయన కుమారుడు భరతసింహారెడ్డి, వధువు సుశాంతికలకు శుభాకాంక్షలు తెలిపి ఆశీర్వదించారు.

ఇక మూడు రోజుల పాటు వైఎస్ జగన్ పులివెందులలో పర్యటించనున్నారు. పులివెందుల మెడికల్‌ కాలేజీ వద్ద వైఎస్‌ జగన్‌ మోహన్‌ రెడ్డి సెల్ఫీ తీసుకున్నారు. మెడికల్‌ కాలేజీకి వచ్చిన సీట్లను కూటమి ప్రభుత్వం వెనక్కి పంపిందని వైసీపీ ఆరోపిస్తున్న సంగతి తెలిసిందే.


Next Story