వ్యాపారాల‌ను విశాఖ నుంచి హైదరాబాద్‌కు త‌ర‌లించ‌నున్న వైసీపీ ఎంపీ..?

Vizag YSRC MP to shift business to Hyderabad. వైసీపీ నేత‌, విశాఖప‌ట్నం ఎంపీ ఎంవీవీ సత్యనారాయణ తన వ్యాపారాల‌ను హైదరాబాద్‌కు మార్చాలని

By Medi Samrat
Published on : 20 Jun 2023 9:02 PM IST

వ్యాపారాల‌ను విశాఖ నుంచి హైదరాబాద్‌కు త‌ర‌లించ‌నున్న వైసీపీ ఎంపీ..?

వైసీపీ నేత‌, విశాఖప‌ట్నం ఎంపీ ఎంవీవీ సత్యనారాయణ తన వ్యాపారాల‌ను హైదరాబాద్‌కు మార్చాలని నిర్ణయించుకున్నార‌నే వార్త క‌ల‌క‌లం రేపుతుంది. ఇటీవ‌ల విశాఖ న‌గ‌రానికి చెందిన ఓ రౌడీ షీట‌ర్‌, త‌న ముఠా.. ఎంపీ ఎంవీవీ కుమారుడు శరత్ చంద్ర, భార్య జ్యోతి, ఆయ‌న‌ ఆడిటర్ జీవీ ని కిడ్నాప్ చేయడంతో ఈ నిర్ణయం తీసుకున్నట్లు తెలుస్తోంది.

ముఖ్యమంత్రి వైఎస్‌ జగన్‌ విశాఖను ఎగ్జిక్యూటివ్‌ క్యాపిటల్‌గా ప్రకటించిన విష‌యం తెలిసిందే. సెప్టెంబర్‌లో విశాఖ‌ నుంచే పాల‌నా కార్యకలాపాలు సాగిస్తానని కూడా ప్రకటించారు. ఈ నేప‌థ్యంలో అధికార పార్టీకి చెందిన‌ ఎంపీ నగరం విడిచి హైదరాబాద్‌లో స్థిరపడనున్నార‌నే వార్త సంచ‌ల‌నంగా మారింది. ఆంధ్రప్రదేశ్‌లో ఏకకాలంలో రాజకీయాలు, వ్యాపారాలు కొనసాగించడం కష్టంగా మారిందని , తాను రాజకీయ నాయకుడైన కారణంగా తనపై వ్యాఖ్యలు చేసినప్పుడల్లా బాధపడ్డానని ఎంపీ ప‌లువురు వ‌ద్ద వాపోయిన‌ట్లు తెలిసింది.


Next Story