తీవ్ర‌మైన నిర‌స‌న‌లు.. అధికారిక నివాసం నుంచి వెళ్లిపోయిన ప్ర‌ధాని

బంగ్లాదేశ్‌లో రిజర్వేషన్లకు వ్యతిరేకంగా విద్యార్థుల నిరసన కొనసాగుతోంది. ఆదివారం సాయంత్రం 6 గంటల నుంచి ఇక్కడ కర్ఫ్యూ అమలులో ఉంది. మీడియా నివేదిక ప్రకారం.. హింసలో ఇప్పటివరకు కనీసం 300 మంది మరణించారు. అయితే దీనికి సంబంధించి ఎలాంటి అధికారిక ప్రకటన వెలువడలేదు. గడ్డు పరిస్థితిని చూసి ప్రధాని షేక్ హసీనా దేశం విడిచి వెళ్లిపోయారు. ప్ర‌ధాని హసీనా తన పదవికి కూడా రాజీనామా చేసే అవ‌కాశం ఉంద‌ని వార్త‌లు వ‌స్తున్నాయి.

బంగ్లాదేశ్ ప్రధాన మంత్రి షేక్ హసీనా రాజీనామాకై డిమాండ్ చేస్తూ నిరసనలు తీవ్ర‌మ‌య్యాయి. దీంతో ఆమె రాజధాని ఢాకాను విడిచిపెట్టినట్లు.. చిక్కుల్లో పడిన ఆమె ప్ర‌ధాని ప‌ద‌వికి సైతం రాజీనామా చేయ‌నున్న‌ట్లు అధికారిక మూలం వార్తా సంస్థ AFP కి తెలిపింది. షేక్ హసీనా, ఆమె సోదరి గణభబన్ ప్రధానమంత్రి అధికారిక నివాసం నుండి సురక్షితమైన ప్రదేశం కోసం బయలుదేరారని అధికారిక మూలాలు AFP కి తెలిపాయి. "ఆమె ఒక ప్రసంగాన్ని రికార్డ్ చేయాలనుకున్నారట‌. కానీ ఆమెకు ఆ అవకాశం కూడా లభించలేదు" అని మూలం తెలిపింది.

వందల వేల మంది నిరసనకారులు కర్ఫ్యూను ధిక్కరించారు, రాజధాని వీధుల్లో కవాతు చేశారు. ప్రధాని ప్యాలెస్‌ను ముట్టడించారు. ఢాకాలోని ప్రధాని అధికారిక నివాసంలోకి జనాలు పరుగులు తీస్తున్న దృశ్యాలు కెమెరాల‌లో రికార్డ‌య్యాయి. 400,000 మంది నిరసనకారులు వీధుల్లో ఉన్నారని స్థానిక మీడియా అంచనా వేసింది.