సింగయ్య మృతి కేసు.. వైఎస్‌ జగన్‌కు నోటీసులు

వైసీపీ అధినేత జగన్ ఇటీవలి పల్నాడు జిల్లా రెంటపాళ్ల పర్యటన తీవ్ర వివాదాస్ప‌ద‌మైంది. ఈ ప‌ర్య‌ట‌న‌లో సింగయ్య అనే వ్యక్తి మృతి చెందడం తీవ్ర కలకలం రేపింది. జగన్ వాహనం కింద పడి సింగయ్య మృతి చెందినట్టు వీడియోలు వైరల్ అవుతున్నాయి. వీడియోల ఆధారంగా పోలీసులు వైసీపీ అధినేత జగన్‌ను ఈ కేసులో నిందితుడిగా చేర్చారు.

ఈ కేసులో జగన్‌ను ఏ2గా పేర్కొన్న పోలీసులు.. తాజాగా ఆయనకు నోటీసులు జారీ చేశారు. ఈ మేరకు పోలీసులు నోటీసులతో తాడేపల్లిలోని వైసీపీ ప్రధాన కార్యలయానికి వెళ్లారు. అక్కడ వైసీపీ కార్యాలయ సెక్రటరీ లేళ్ల అప్పిరెడ్డికి నోటీసులు అందించారు. అంతేకాదు.. సింగయ్య మృతికి కారణమైనదిగా భావిస్తున్న ఫార్చ్యూనర్ (AP 40 DH 2349) వాహనాన్నికూడా సీజ్ చేశారు.