శ్రీరామ నవమి ఊరేగింపు.. హిందువులకు మంచి నీళ్లను అందించిన ముస్లింలు

మత సామరస్యానికి ఉదాహరణగా.. పశ్చిమ బెంగాల్‌లోని సిలిగురిలో ఆదివారం రామనవమి ఊరేగింపులో పాల్గొన్న హిందువులకు.. ముస్లిం యువకులు వాటర్ బాటిళ్లను పంచిపెట్టారు. వారితో ఆలింగనం చేసుకుని నవమి శుభాకాంక్షలు తెలిపారు. శోభాయాత్రలో పాల్గొన్న ప్రజలకు ముస్లిం యువకులు రామనవమి శుభాకాంక్షలు తెలిపారు. ఊరేగింపులో పాల్గొన్న ప్రజలకు నీళ్ల బాటిల్స్ ను అందించి ముస్లిం యువకులు స్వాగతం పలికారు. ముస్లిం యువకులు చేసిన పనికి పలువురు ధన్యవాదాలు తెలిపారు.

వాటర్ బాటిళ్లను పంపిణీ చేయడానికి స్వచ్ఛందంగా ముందుకు వచ్చిన షానెవాజ్ హుస్సేన్ మీడియాతో మాట్లాడుతూ, "వివిధ వర్గాల ప్రజల మధ్య ప్రేమానురాగాలను పెంపొందించడానికి మేము బాటిళ్లను పంపిణీ చేయాలని నిర్ణయించుకున్నాము. మేము ఊరేగింపులో 4,000 కంటే ఎక్కువ వాటర్ బాటిళ్లను పంపిణీ చేసాము. రామనవమి సందర్భంగా ముస్లిం యువకులు చిన్నపాటి శిబిరాన్ని ఏర్పాటు చేశారన్నారు. ఊరేగింపులో పాల్గొనే ప్రజలు చాలా దూరం నుండి వస్తున్నందున మేము వాటర్ బాటిళ్లను పంపిణీ చేయాలని నిర్ణయించుకున్నాము" అని హుస్సేన్ చెప్పారు.

దేశంలోని ప్రజల మధ్య ఐక్యతను పెంపొందించాలని, ఒకరికొకరు సామరస్యంగా జీవించాలని కూడా రాజ్యాంగం ప్రజలకు సూచిస్తుందని ఆయన అన్నారు. "భారతదేశం భిన్నత్వంలో ఏకత్వం ఉన్న దేశం, దీనిని మన రాజ్యాంగం కూడా ఆమోదించింది. అందరి పండుగలను ఆనందిస్తాం. ఈ రోజు రామ నవమి, మరియు మేము వేడుకలలో పాల్గొనడం ఆనందంగా ఉంది. ఇది రంజాన్ మాసం కూడా'' అని హుస్సేన్ అన్నారు.

మరో యువకుడు సద్దాం ఖురేషి మాట్లాడుతూ, మతపరమైన విభేదాలకు పట్టింపు లేదని, మేము సామరస్యంతో కలిసి జీవించాలనుకుంటున్నాము అని అన్నారు. అన్ని మతాల ప్రజల మధ్య ఐక్యతను పెంపొందించడం ద్వారా భారతదేశ పురోగతి ఉంటుందని ఆయన అన్నారు. రామనవమి ఊరేగింపులో పాల్గొన్న పంకజ్ కుమార్ ఝా ముస్లిం యువకుల మంచి పనికి ధన్యవాదాలు తెలిపారు.