నిరుద్యోగులకు ఏపీ ప్రభుత్వం ఉగాది కానుక..నేడే జాబ్ క్యాలెండర్ రిలీజ్
నేడు ఉగాది పర్వదినం సందర్భంగా ఆంధ్రప్రదేశ్ నిరుద్యోగులకు రాష్ట్ర ప్రభుత్వం భారీ తీపి కబురు అందించనుంది.
By - Knakam Karthik
నిరుద్యోగులకు ఏపీ ప్రభుత్వం ఉగాది కానుక..నేడే జాబ్ క్యాలెండర్ రిలీజ్
నేడు ఉగాది పర్వదినం సందర్భంగా ఆంధ్రప్రదేశ్ నిరుద్యోగులకు రాష్ట్ర ప్రభుత్వం భారీ తీపి కబురు అందించనుంది. సుమారు 10 వేల పోస్టులతో కూడిన 'మెగా జాబ్ క్యాలెండర్ 2026'ను మంత్రి నారా లోకేశ్ అధికారికంగా విడుదల చేయనున్నారు. ఈ క్యాలెండర్లో ప్రధానంగా ఐదు శాఖల్లోనే 8,340 ఖాళీలు ఉన్నట్లు ప్రాథమిక సమాచారం అందుతోంది. వీటిలో అత్యధికంగా విద్యాశాఖలో 4,500 పోస్టులు ఉండగా, అందులో మెగా డిఎస్సీ ద్వారా ఉపాధ్యాయుల భర్తీతో పాటు జూనియర్ లెక్చరర్ పోస్టులు కూడా ఉన్నాయి.
ఉన్నత విద్యాశాఖ కింద వివిధ విశ్వవిద్యాలయాల్లో 1,500 అసిస్టెంట్ ప్రొఫెసర్ మరియు బోధనేతర పోస్టులను భర్తీ చేయనున్నారు. శాంతిభద్రతల పరిరక్షణ కోసం హోంశాఖలో 3,000 కానిస్టేబుల్ మరియు ఎస్సై పోస్టులు, ఎక్సైజ్ శాఖలో 450 పోస్టులు ఖాళీగా ఉన్నట్లు గుర్తించారు. ఈ నియామక ప్రక్రియను అభ్యర్థులకు వీలుగా ఈ ఏడాది పొడవునా నాలుగు విభిన్న దశల్లో పూర్తి చేయాలని ప్రభుత్వం నిర్ణయించింది. పారదర్శకమైన పరీక్షల నిర్వహణ, వయోపరిమితి సడలింపు వంటి అంశాలపై కూడా ఈ క్యాలెండర్ విడుదలతో స్పష్టత రానుంది.
