చంద్రబాబుపై మంత్రి కొట్టు సత్యనారాయణ సంచ‌ల‌న వ్యాఖ్య‌లు

డిప్యూటీ సీఎం కొట్టు సత్యనారాయణ టీడీపీ చీఫ్ చంద్రబాబు నాయుడు, జనసేన అధినేత పవన్ కళ్యాణ్ లపై తీవ్ర విమర్శలు గుప్పించారు. చంద్రబాబు లాంటి తన్నే దున్నపోతు వెనుక ఎవరు వెళ్లే పరిస్థితి లేదని కొట్టు సత్యనారాయణ అన్నారు. చంద్రబాబు రాసిచ్చింది చదివే వ్యక్తిగా పవన్ కళ్యాణ్ మిగిలిపోయారని.. పవన్ కళ్యాణ్ ఊగిపోతూ మాట్లాడుతూ ఉండడం పట్ల ప్రజలకు చాలా అనుమానాలున్నాయన్నారు. పవన్ కళ్యాణ్ కేవలం ఉన్మాదంతోనే మాట్లాడారని.. జెండా సభలో పవన్ మాట్లాడిన తీరు చూసి జనం అసహ్యించుకుంటున్నారన్నారు. 24 సీట్లు వల్ల కాపులకు ఒరిగేదేమీ లేదని కొట్టు సత్యనారాయణ చెప్పుకొచ్చారు. పవన్ కళ్యాణ్ డబ్బులకు అమ్ముడు పోయాడని ప్రతి ఒక్కరూ అనుకుంటున్నారన్నారు. పవన్ తీరు చూసి కాపులు సిగ్గుపడుతున్నారని.. జనసేనను వీడుతున్న పరిస్థితి వచ్చిందని తెలిపారు.

ఇక ఓ వర్గం మీడియా ఎంతో దారుణంగా వార్తలు రాస్తోందని కొట్టు సత్య నారాయణ ధ్వజమెత్తారు. పేదలకు ఇళ్ల పట్టాలిచ్చి వారిని హక్కుదారులను చేయాలని చూస్తే కోర్టులకు వెళ్లి చంద్రబాబు అడ్డుకున్నాడన్నారు. ఈనాడు రామోజీరావు దుర్మార్గమైన వార్తలు రాస్తున్నాడని.. జెండా సభకు జనం రాకపోతే.. జెండా సభకు వచ్చిన వారికి పెన్షన్లు ఇవ్వడం లేదని విషపు రాతలు రాస్తున్నారని విమర్శించారు. సేవా భావంతో పనిచేసే వాలంటీర్లపై విషం చిమ్ముతూ ఉన్నారని మండిపడ్డారు.