గుడివాడకు వచ్చిన కొడాలి నాని

వైసీపీ నేత, మాజీ మంత్రి కొడాలి నాని గుడివాడకు వచ్చారు. మాజీ ఎమ్మెల్యే, ప్రస్తుత వేర్‌ హౌసింగ్‌ కార్పొరేషన్‌ ఛైర్మన్‌ రావి వెంకటేశ్వరరావు వస్త్ర దుకాణంపై దాడి కేసులో ముందస్తు బెయిల్‌ కోసం కొడాలి నాని కోర్టుకు హాజరయ్యారు. దిగువ కోర్టులో బెయిల్‌ తీసుకోవాలన్న హైకోర్టు ఆదేశాలతో స్వయంగా వచ్చి దరఖాస్తు చేసుకున్నారు. ఇదే కేసులో 16 మంది ఇప్పటికే బెయిల్‌పై విడుదలయ్యారు. దాదాపు ఏడాది తర్వాత ఆయన తిరిగి గుడివాడకు కొడాలి నాని వచ్చారని చెబుతున్నారు. కొడాలి నానికి ముందస్తు బెయిల్‌ లభించింది. కోర్టు ఆదేశాల మేరకు కొడాలి నాని శుక్రవారం గుడివాడ కోర్టులో ష్యూరిటీ పత్రాలు సమర్పించారు. అనంతరం ముందస్తు బెయిల్ పొందారు.