ఆత్మ‌కూరు ఉప ఎన్నిక ఓట్ల లెక్కింపుకు ఏర్పాట్లు పూర్తి

Elaborate Arrangements Made for Counting of Votes on Sunday. ఆత్మకూర్ అసెంబ్లీ నియోజకవర్గానికి జరిగిన ఉప ఎన్నిక ఓట్ల లెక్కింపునకు

By న్యూస్‌మీటర్ తెలుగు  Published on  25 Jun 2022 3:43 PM GMT
ఆత్మ‌కూరు ఉప ఎన్నిక ఓట్ల లెక్కింపుకు ఏర్పాట్లు పూర్తి

ఆత్మకూర్ అసెంబ్లీ నియోజకవర్గానికి జరిగిన ఉప ఎన్నిక ఓట్ల లెక్కింపునకు జిల్లా యంత్రాంగం విస్తృత ఏర్పాట్లు చేసింది. ఆదివారం నెల్లూరుపాలెంలోని ఆత్మకూర్ ఇంజినీరింగ్ కళాశాలలో ఉదయం 8 గంటలకు కౌంటింగ్ ప్రారంభమవుతుంది. జూన్ 23న జరిగిన ఈ ఉప ఎన్నికలో 67 శాతం మంది తమ ఓటు హక్కును వినియోగించుకున్నారు. నియోజకవర్గంలోని మొత్తం 279 పోలింగ్‌ కేంద్రాల్లో కొన్ని చెదురుమదురు సంఘటనలు మినహా పోలింగ్‌ ప్రశాంతంగా జరిగింది.

ఈ ఏడాది ఫిబ్రవరిలో అప్పటి పరిశ్రమల శాఖ మంత్రి మేకపాటి గౌతమ్‌రెడ్డి ఆకస్మిక మరణంతో ఖాళీ అయిన స్థానానికి ఉప ఎన్నిక జరిగింది. అధికార వైఎస్‌ఆర్‌ కాంగ్రెస్ పార్టీ గౌత‌మ్ రెడ్డి తమ్ముడు విక్రమ్‌రెడ్డిని ఉప ఎన్నికలో నిలబెట్టగా.. భరత్‌ కుమార్‌ యాదవ్‌ బిజెపి టిక్కెట్‌పై పోటీ చేశారు. చనిపోయిన ఏ శాసనసభ్యుని బంధువులను కూడా ఉప ఎన్నికల్లో సవాలు చేయకూడదనే విధానానికి అనుగుణంగా టీడీపీ దూరంగా ఉంది.














Next Story
Share it