5న విశాఖ‌కు సీఎం జగన్
సీఎం వైఎస్‌ జగన్ 5వ తేదీన విశాఖపట్నం పర్యటనకు వెళ్ల‌నున్నారు.
By Medi Samrat Published on 3 March 2024 1:45 PM GMT
సీఎం వైఎస్‌ జగన్ 5వ తేదీన విశాఖపట్నం పర్యటనకు వెళ్ల‌నున్నారు. ప‌ర్య‌ట‌న‌లో భాగంగా విజన్‌ విశాఖ సదస్సులో వివిధ రంగాల వాణిజ్య, పారిశ్రామికవేత్తలతో సీఎం సమావేశం కానున్నారు. అనంతరం స్కిల్‌ డెవలప్‌మెంట్, సీడాప్‌ ఆధ్వర్యంలో ఉపాధి పొందిన యువతతో ముఖ్యమంత్రి సమావేశం అవుతారు.
5వ తేదీ ఉదయం 9.10 గంటలకు తాడేపల్లి నివాసం నుంచి బయలుదేరి విశాఖపట్నం చేరుకుంటారు. అక్కడ రాడిసన్‌ బ్లూ రిసార్ట్స్‌ లో జరిగే విజన్‌ విశాఖ సదస్సులో వివిధ రంగాల వాణిజ్య, పారిశ్రామికవేత్తలతో సమావేశం అవుతారు. అనంతరం పీఎంపాలెంలోని వైజాగ్‌ కన్వెన్షన్‌ సెంటర్‌కు చేరుకుని స్కిల్‌ డెవలప్‌మెంట్, ఉపాధి, సీడాప్‌ ఆధ్వర్యంలో ఉపాధి పొందిన యువతతో సమావేశం అవుతారు. అనంతరం బయలుదేరి తాడేపల్లి చేరుకుంటారు.
Next Story
