27న విజయవాడ, మంగళగిరిలో సీఎం జగన్‌ పర్యటన

సీఎం జ‌గ‌న్ ఈ నెల‌ 27న విజయవాడ, మంగళగిరిలో ప‌ర్య‌టించ‌నున్నారు. బుధ‌వారం సాయంత్రం 5.10 గంటలకు విజయవాడ 1 టౌన్‌ వించిపేటలో షాజహుర్‌ ముసాఫిర్‌ ఖానా, ఫోటో ఎగ్జిబిషన్ ల‌కు ప్రారంభోత్సవం చేయ‌నున్నారు. అనంతరం ముస్లిం మత పెద్దలతో భేటీ అవుతారు. అక్కడి నుంచి ఇంధిరాగాంధీ మునిసిపల్‌ స్టేడియం చేరుకుని రాష్ట్ర ప్రభుత్వం ఏర్పాటుచేస్తున్న ఇఫ్తార్‌ కార్యక్రమంలో పాల్గొంటారు. ఆ తర్వాత రాత్రి 7.35 గంటలకు మంగళగిరి సీకే కన్వెన్షన్‌లో గుంటూరు జెడ్పీ చైర్‌పర్సన్‌ కత్తెర హెనీక్రిస్టినా కుమారుడి వివాహ వేడుకకు హాజరై నూతన వధూవరులను ఆశీర్వదించి రాత్రి 8 గంటలకు తాడేపల్లి నివాసం చేరుకుంటారు.