పోలింగ్ ముగిసే వరకూ అక్క‌డే ఉండ‌నున్న చంద్రబాబు..!

టీడీపీ అధినేత చంద్రబాబు నాయుడు తమ కుటుంబ సభ్యులతో కలిసి ఓటు హక్కును వినియోగించుకున్నారు. ఇక ఆయన ఈరోజు ఎన్నికల పోలింగ్ ను సమీక్షించనున్నారు. పోలింగ్ పై తీసుకోవాల్సిన చర్యలపై అటు పార్టీ నేతలకు, ఇటు వార్ రూమ్ బృందానికి సూచనలు, ఆదేశాలు ఇప్పటికే జారీ చేశారు. గ్రామ స్థాయిలో పోలింగ్ బూత్ నుంచి రాష్ట్ర స్థాయి వరకు ప్రతి అంశాన్ని మానిటరింగ్ చేసేలా చంద్రబాబు ప్రణాళిక రూపొందించారు. నియోజవకర్గాల్లో పోలింగ్ సమస్యలపై ఎప్పటికప్పుడు ప్రధాన వార్ రూమ్ కు సమాచారం అందేలా ఏర్పాట్లు చేశారు. ఈరోజు పోలింగ్ ముగిసే వరకూ చంద్రబాబు నాయుడు అక్కడే ఉండనున్నారు.

ఇక చంద్రబాబు నాయుడు "మీ భవిష్యత్తును, మీ రాష్ట్ర భవిష్యత్తును ఈరోజు మీరు వేసే ఓటు నిర్ణయిస్తుంది. అందుకే ఇళ్ల నుంచి కదలండి. పోలింగ్ కేంద్రాలకు వెళ్లి మీ ఓటు హక్కును వినియోగించుకోండి. ప్రజా చైతన్యాన్ని నిరూపించండి." అంటూ ట్వీట్ చేశారు.