వదిలిపెట్టే ప్రసక్తే లేదు : రుయా హాస్పిటల్ అంబులెన్స్ ఘటనపై స్పందించిన మంత్రి

తిరుపతిలోని రుయా హాస్పిటల్ అంబులెన్స్ ఘటనపై అధికారులను వివరణ కోరుతూ.. విచారణకు ఆదేశించినట్లు ఆంధ్రప్రదేశ్ రాష్ట్ర ఆరోగ్య శాఖ మంత్రి విడదల రజిని తెలిపారు. ఈ ఘటన దురదృష్టకరమని, అలాంటి వారిని వదిలిపెట్టే ప్రసక్తే లేదని ఆమె అన్నారు. మృతుల కుటుంబ సభ్యులను ప్రైవేట్ వ్యక్తులు బెదిరించారా లేదా ఆసుపత్రి సిబ్బంది బెదిరించారా అనే విషయంపై విచారణ జరగాలని మంత్రి అన్నారు.

మహాప్రస్థానం అంబులెన్స్‌లు 24 గంటలూ పనిచేసేలా త్వరలో వ్యవస్థను ఏర్పాటు చేయనున్నట్లు ఆమె తెలిపారు. ప్రీపెయిడ్ పన్నుల అంశాన్ని పరిశీలిస్తామని ఆమె చెప్పారు. వీలైనంత త్వరగా మృతదేహాలను మహాప్రస్థానం వాహనాల ద్వారా ఉచితంగా తరలించేందుకు రాష్ట్ర ప్రభుత్వం చర్యలు తీసుకుంటుందని విడదల రజిని తెలిపారు. అత్యవసర పరిస్థితుల్లో మృతుల కుటుంబ సభ్యులు నిర్ణయం తీసుకుంటారని ఆమె తెలిపారు. అన్ని ఆసుపత్రుల్లో ప్రైవేట్ అంబులెన్స్‌లను క్రమబద్ధీకరిస్తామని మంత్రి విడదల రజిని తెలిపారు.