రేపే ఏపీ ఇంటర్మీడియట్ ఫలితాలు..వాట్సాప్‌లోనూ రిజల్ట్స్‌

ఆంధ్రప్రదేశ్‌లో ఇంటర్మీడియట్‌ ఫలితాలను రేపు విడుదల చేస్తున్నట్లు ఇంటర్మీడియట్ విద్యామండలి అధికారిక ప్రకటన విడుదల చేసింది. ప్రథమ, ద్వితీయ సంవత్సర ఫలితాలను రేపు ఉదయం 11 గంటలకు విడుదల చేయనున్నట్లు ఇంటర్ బోర్డు కార్యదర్శి ప్రకటించారు. విద్యార్థులు తమ ఫలితాలను https://resultsbie. ap. gov. inలో పొందవచ్చు అని తెలిపారు. అదే విధంగా మన మిత్ర వాట్సాప్‌ నెంబర్‌ (9552300009)లోనూ ఫలితాలను చెక్ చేసుకోవచ్చు అని పేర్కొన్నారు. కాగా ఈ ఏడాది ఈ ఏడాది ఇంటర్ ఫస్టియర్‌, సెకండ్ ఇయర్ కలిపి దాదాపు 10 లక్షలకుపైగా విద్యార్థులు పరీక్షలు రాశారు.