2,200 మొబైల్ ఫోన్లు.. ఓన‌ర్ల ద‌గ్గ‌రికి చేరాయ్‌..!

అనకాపల్లి జిల్లా పోలీసులు చోరీకి గురైన రూ.కోటికి పైగా విలువైన 2,200 మొబైల్ ఫోన్‌లను స్వాధీనం చేసుకున్నారు. బుధవారం జిల్లా పోలీసు కార్యాలయంలో జరిగిన ప్రత్యేక "మొబైల్ రికవరీ మేళా" కార్యక్రమంలో మొబైల్స్ ను వాటి యజమానులకు అందజేశారు.

200 మొబైల్ ఫోన్‌లను స్వాధీనం చేసుకుని బాధితులకు తిరిగి ఇవ్వడం సంతోషంగా ఉందని జిల్లా పోలీసు సూపరింటెండెంట్ తుహిన్ సిన్హా తెలిపారు. తమ ఐటీ కోర్ టీమ్, క్రైమ్ ఇన్వెస్టిగేషన్ డిపార్ట్‌మెంట్ ఆంధ్రప్రదేశ్, తెలంగాణ, తమిళనాడు ప్రాంతాల్లో దొంగిలించిన ఈ పరికరాలను కనుగొనడానికి చాలా కష్టపడ్డారని తెలిపారు.

ఇప్పటి వరకు అనకాపల్లి పోలీసులు మొబైల్ ఫోన్ చోరీకి సంబంధించి 3,500 ఫిర్యాదులను నమోదు చేయగా, మొత్తం 2,208 మొబైల్స్ ను రికవరీ చేశారు. రికవరీ ప్రయత్నానికి కేంద్ర ప్రభుత్వ మొబైల్ మిస్సింగ్ పోర్టల్ CEIR (https://www.ceir.gov.in/) సహాయం చేసింది. బాధితులు తమ పోయిన/దొంగిలించిన పరికరాలను ట్రాక్ చేయడానికి అనుమతిస్తుంది. ప్రజలు పోలీసు స్టేషన్‌కు వెళ్లకుండా అనకాపల్లి జిల్లా వాట్సాప్ నంబర్‌కు “హాయ్” అని మెసేజ్ చేస్తే ఫిర్యాదులను దాఖలు చేయడానికి వీలవుతుంది.