భార్య ఆ పని చేస్తోందని.. పీఎస్‌ ముందే నిప్పంటించుకున్నాడు.. ఏపీలో ఘటన
ఆంధ్రప్రదేశ్‌లోని తిరుపతి జిల్లాలోని చంద్రగిరిలో షాకింగ్‌ ఘటన చోటు చేసుకుంది. వివాహేతర వివాదంతో మనోవేదనకు గురైన వ్యక్తి నిప్పంటించుకున్నాడు.
By అంజి Published on 21 Nov 2023 1:05 AM GMT
భార్య ఆ పని చేస్తోందని.. పీఎస్‌ ముందే నిప్పంటించుకున్నాడు.. ఏపీలో ఘటన
ఆంధ్రప్రదేశ్‌లోని తిరుపతి జిల్లాలోని చంద్రగిరిలో షాకింగ్‌ ఘటన చోటు చేసుకుంది. స్థానిక పోలీస్ స్టేషన్ ఎదుట నవంబర్ 20, సోమవారం నాడు వివాహేతర వివాదంతో మనోవేదనకు గురైన వ్యక్తి నిప్పంటించుకున్నాడు. దీంతో అక్కడ ఒక్కసారిగా గందరగోళం జరిగింది. పోలీసులు, స్థానికులు మంటలను ఆర్పి అతన్ని ఆస్పత్రికి తరలించారు. తెలిసిన వివరాల ప్రకారం.. నిప్పంటించుకున్న వ్యక్తిని విజయవాడకు చెందిన మణికంఠగా గుర్తించారు. భార్య దుర్గ, ఇద్దరు పిల్లలతో కలిసి జీవనోపాధి కోసం హైదరాబాద్ వెళ్లారు. అయితే మూడు నెలల తర్వాత భార్య అతడిని వదిలి తిరుపతి వెళ్లింది.
ఆమె తిరుపతి వెళ్లగానే భాకర్‌పేటకు చెందిన సోను అలియాస్ బాషాతో దుర్గ పరిచయం ఏర్పడింది. అప్పటి నుంచి అతనితో కలిసి జీవించడం ప్రారంభించింది. కాగా, వీరి బంధానికి చంద్రగిరి పోలీస్ స్టేషన్‌లో కానిస్టేబుల్‌గా పనిచేస్తున్న పగడాల శ్రీనివాస్‌ మద్దతుగా నిలిచాడు. పరిస్థితిని గుర్తించిన మణికంఠ చంద్రగిరి పోలీస్ స్టేషన్‌కు చేరుకుని కానిస్టేబుల్ శ్రీనివాస్‌ను అతని భార్య వ్యవహారం గురించి అడిగాడు. భార్యను వదిలేయాలని కానిస్టేబుల్ బెదిరించాడు. అది విని మణికంఠ నిరుత్సాహపడ్డాడు. పోలీస్ స్టేషన్ ఎదుట 5 లీటర్ల పెట్రోల్ పోసుకుని నిప్పంటించుకున్నాడు. ఏడుస్తూ పోలీస్ స్టేషన్‌కు రావడంతో పోలీసులు, స్థానికులు వెంటనే స్పందించారు. తిరుపతిలోని రుయా ఆసుపత్రికి తరలించారు. ప్రస్తుతం అతడి పరిస్థితి విషమంగా ఉంది.
