న్యూజిలాండ్‌కు భారీ ల‌క్ష్యాన్ని నిర్దేశించిన దక్షిణాఫ్రికా

ప్రపంచకప్‌లో నేడు న్యూజిలాండ్‌, దక్షిణాఫ్రికా జ‌ట్లు త‌ల‌ప‌డుతున్నాయి. పూణెలోని మహారాష్ట్ర క్రికెట్ అసోసియేషన్ స్టేడియంలో ఇరు జట్ల మధ్య ఈ మ్యాచ్ జరుగుతోంది. టాస్ గెలిచిన న్యూజిలాండ్ కెప్టెన్ టామ్ లాథమ్ ముందుగా బౌలింగ్ ఎంచుకున్నాడు. బ్యాటింగ్‌కు దిగిన‌ దక్షిణాఫ్రికా 50 ఓవర్లలో నాలుగు వికెట్లకు 357 పరుగులు చేసింది.

దక్షిణాఫ్రికా జట్టులో ఓపెనర్లు క్వింటన్ డి కాక్, డుసెన్ సెంచరీలు చేశారు. డుసెన్ 118 బంతుల్లో 133 పరుగులు చేయ‌గా.. డికాక్ 116 బంతుల్లో 114 పరుగులు చేశాడు. డుసెన్ తన ఇన్నింగ్స్‌లో తొమ్మిది ఫోర్లు, ఐదు సిక్సర్లు బాదాడు. డికాక్ 10 ఫోర్లు, మూడు సిక్సర్లు బాదాడు. డేవిడ్ మిల్లర్ 30 బంతుల్లో 53 పరుగులు చేశాడు. రెండు ఫోర్లు, నాలుగు సిక్సర్లు కొట్టాడు. కెప్టెన్ టెంబా బావుమా 24 పరుగులు చేశాడు. హెన్రిచ్ క్లాసెన్ ఏడు బంతుల్లో 15 పరుగులతో నాటౌట్‌గా నిలిచాడు. ఐడెన్ మార్క్రామ్ ఒక బంతి ఎదుర్కొని ఆరు పరుగులతో నాటౌట్‌గా నిలిచాడు. న్యూజిలాండ్ బౌలర్లలో టిమ్ సౌథీ రెండు వికెట్లు తీశాడు. ట్రెంట్ బౌల్ట్, జేమ్స్ నీషమ్ ఒక్కో వికెట్ ప‌డ‌గొట్టారు.