Warangal: కేఎంసీలో మళ్లీ ర్యాగింగ్‌.. జూనియర్ విద్యార్థిని చితకబాదిన సీనియర్లు

వరంగల్: కాకతీయ మెడికల్ కాలేజీ (కేఎంసీ) లో ఎంబీబీఎస్ తృతీయ సంవత్సరం చదువుతున్న ఏడుగురిపై.. రెండో సంవత్సరం చదువుతున్న విద్యార్థినిని ర్యాగింగ్ చేసినందుకు గాను మట్వాడ పోలీసులు ఐపీసీ 294/బి, 323, 340 సెక్షన్లు, ర్యాగింగ్ నిషేధ చట్టం కింద కేసు నమోదు చేశారు. కళాశాల ప్రిన్సిపాల్ డాక్టర్ దివ్వెల మోహన్ దాస్ సెప్టెంబరు 14న జరిగిన ఈ ఘటనపై 15 మంది సీనియర్ విద్యార్థులను విచారించడంతో కేసు వెలుగులోకి వచ్చింది. అయితే ఈ ఘటన ర్యాగింగ్ కాదని, పరస్పర దాడుల కేసు అని పేర్కొన్నారు.

కేఎంసీ ఆవరణలో జూనియర్ మెడికో విద్యార్థులందరూ కలిసి పుట్టిన రోజు వేడుకలు చేసుకుంటుండగా.. సీనియర్లు వచ్చి జూనియర్లను ర్యాగింగ్ చేశారు. మనోహర్ అనే యువకుడు కాకతీయ మెడికల్ కాలేజీలో మేడికో సెకండ్ ఇయర్ చదువుతున్నాడు. పుట్టినరోజు వేడుకలో ఉన్న మనోహర్ ను సీనియర్లు ర్యాగింగ్ చేస్తూ అతన్ని విచక్షణారహితంగా కొట్టారు. ఈ దాడిలో మనోహర్‌కి తీవ్ర గాయాలయ్యాయి. అది గమనించిన అతని స్నేహితులు వెంటనే అతన్ని స్థానిక ఆస్పత్రికి తరలించారు.

వరంగల్ ఏసీపీ బోనాల కిషన్ మాట్లాడుతూ.. ప్రస్తుతం కేసు విచారణలో ఉందని, ఈ కేసులో ఏడుగురితో పాటు ఇతర వ్యక్తుల ప్రమేయం ఉన్నట్లు సమాచారం. విద్యార్థి సెప్టెంబర్ 15న పోలీసులకు ఫిర్యాదు చేసినట్లు సమాచారం. రాజస్థాన్‌కు చెందిన ద్వితీయ సంవత్సరం విద్యార్థిపై మొత్తం 10 మంది విద్యార్థులు దాడికి పాల్పడ్డారని ఆరోపించారు. కాగా, విద్యార్థుల సస్పెన్షన్‌పై మంగళవారం కళాశాల యాంటీ ర్యాగింగ్ కమిటీ సమావేశమై చర్చించి నిర్ణయం తీసుకోనుంది. కళాశాలలో ర్యాగింగ్ సంఘటనలను తనిఖీ చేయడంలో విఫలమైనందుకు డాక్టర్ దాస్‌ను సస్పెండ్ చేయాలని AISF డిమాండ్ చేసింది. ఈ ఏడాది ఫిబ్రవరిలో కళాశాలలో మొదటి సంవత్సరం పీజీ విద్యార్థి డాక్టర్ ధరావత్ ప్రీతి (26) ఆత్మహత్య చేసుకున్న విషయం తెలిసిందే.