Viral Video : బైక్‌పై స్టంట్స్‌.. గాలిలో ముద్దులు.. వెకిలి చేష్ట‌లు.. తిక్క‌కుదిర్చిన పోలీసులు
భోపాల్‌లోని VIP రోడ్డులో ఒక మహిళతో కలిసి ఇద్దరు పురుషులు బైక్ పై వెళుతున్న వీడియో వైరల్ కావడంతో బైక్ మీద ఉన్న మగవాళ్ళను అరెస్టు చేశారు
By Medi Samrat
భోపాల్‌లోని VIP రోడ్డులో ఒక మహిళతో కలిసి ఇద్దరు పురుషులు బైక్ పై వెళుతున్న వీడియో వైరల్ కావడంతో బైక్ మీద ఉన్న మగవాళ్ళను అరెస్టు చేశారు. అయితే ఆ మహిళ పరారీలో ఉన్నట్లు సమాచారం. వైరల్ క్లిప్‌లో రోడ్డుపై వెళుతున్న బైక్ మీద ముగ్గురు కూర్చుని ప్రమాదకరమైన విన్యాసాలు చేస్తున్నట్లు, ఆ మహిళ అటుగా వెళ్తున్న వారిపై ముద్దులు పెడుతున్నట్లు చూడొచ్చు. కోహెఫిజా పోలీసులు, భోపాల్ ట్రాఫిక్ పోలీసులు సంయుక్తంగా నిర్వహించిన ఆపరేషన్‌లో రైడర్ హృతిక్ యాదవ్, పిలియన్ ప్రయాణీకుడు సుమిత్ కుమార్ అరెస్టు అయ్యారని పోలీసులు తెలిపారు. . స్టంట్‌లో పాల్గొన్న బైక్‌ను స్వాధీనం చేసుకున్నారు. యాదవ్ డ్రైవింగ్ లైసెన్స్‌ను రద్దు చేయాలని సిఫార్సు చేస్తూ అధికారులు రవాణా శాఖకు లేఖ రాశారు.
ఫిబ్రవరి 28న జరిగిన ఈ సంఘటనకు సంబంధించి కోహెఫిజా పోలీస్ స్టేషన్‌లో కేసు నమోదైంది. వేగంగా వెళ్తున్న బైక్‌పై ఇద్దరు వ్యక్తులు నిర్లక్ష్యంగా ప్రయాణించడమే కాకుండా, ఆ మహిళ అసభ్యకరమైన హావభావాలు ప్రదర్శిస్తూ రోడ్డుపై ఉన్న ఇతరులకు ప్రమాదం కలిగిస్తోందని ఫిర్యాదుదారుడు నివేదించారు. ఫిర్యాదు ఆధారంగా, నిందితులపై మోటారు వాహనాల చట్టంలోని పలు సెక్షన్ల కింద కేసు నమోదు చేశారు. స్టంట్‌లో భాగమైన మహిళ జాడ తెలియలేదు.
