Video: విద్యార్థులు మధ్యాహ్న భోజనం చేస్తుండగా.. కూలిన తరగతి గది గోడ

గుజరాత్‌లోని వడోదరలో పాఠశాల తరగతి గది గోడ కూలిపోవడంతో శుక్రవారం విద్యార్థి గాయపడ్డాడు. నగరంలోని వాఘోడియా రోడ్డులోని శ్రీ నారాయణ్ గురుకుల పాఠశాల మొదటి అంతస్తులో తరగతి గది ఉంది. పాఠశాల ప్రిన్సిపాల్ తెలిపిన వివరాల ప్రకారం.. శుక్రవారం మధ్యాహ్నం 12.30 గంటల సమయంలో భోజన విరామ సమయంలో ఈ ఘటన చోటు చేసుకుంది.

పెద్ద శబ్దం వినిపించిందని, ఆ తర్వాత మేము సంఘటనా స్థలానికి చేరుకున్నాము. ఒక విద్యార్థి తలకు గాయమైంది. వెంటనే మిగిలిన విద్యార్థులను సురక్షిత ప్రదేశానికి తరలించామని పాఠశాల ప్రిన్సిపాల్ రూపల్ షా మీడియాతో మాట్లాడుతూ చెప్పారు. విద్యార్థుల సైకిళ్ల కోసం కేటాయించిన పార్కింగ్ స్థలంపై గోడ కూలిపోయిందని, ఫలితంగా అనేక సైకిళ్లు దెబ్బతిన్నాయని షా తెలిపారు.

సమాచారం అందుకున్న వడోదర అగ్నిమాపక శాఖ బృందం పాఠశాలకు చేరుకుని సహాయక చర్యలు ప్రారంభించింది. 7వ తరగతి చదువుతున్న విద్యార్థిని స్వల్ప గాయాలతో ఓ ప్రైవేట్‌ ఆస్పత్రిలో చికిత్స పొందుతూ ప్రాథమిక చికిత్స పొందుతూ పరిస్థితి నిలకడగా ఉన్నట్లు సమాచారం. తరగతి గదిలోని సీసీటీవీ ఫుటేజీలో పలువురు విద్యార్థులు గోడ కూలిపోవడంతో పాటు పడిపోవడం కనిపించింది.

అగ్నిమాపక శాఖ అధికారి వినోద్ మోహితే మాట్లాడుతూ, "గోడ కూలిపోవడంపై పాఠశాల నుండి మాకు కాల్ వచ్చింది. మేము సంఘటనా స్థలానికి చేరుకున్నాము. 7వ తరగతి విద్యార్థికి స్వల్ప గాయాలయ్యాయి. 10-12 విద్యార్థుల సైకిళ్లు ధ్వంసం అయ్యాయి" అని తెలిపారు.