ఉప్ప‌ల్‌లో క‌రోనా క‌ల‌క‌లం రేపుతోంది. రామంతాపూర్ చ‌ర్చికాల‌నీలో ఒకే ఇంట్లో ముగ్గ‌రికి క‌రోనా పాజిటివ్ గా నిర్థార‌ణ అయ్యింది. ఆ ఇంట్లోని ఓ వ్య‌క్తి ఉప్ప‌ల్ హెరిటెజ్ ప్లాంట్‌లో సెక్యూరిటీ గార్డుగా విధులు నిర్వ‌ర్తిస్తున్నాడు. దీంతో హెరిటెజ్‌లోని 35 మంది సిబ్బందికి స్టాంపులు వేసి హోం క్వారంటైన్ లో ఉండాల‌ని ఉప్ప‌ల్ పోలీసులు సూచించారు.

ఇక సెక్యురిటీ గార్డుకు క‌రోనా వ‌చ్చిన విష‌యాన్ని యాజ‌మాన్యం దాచిపెట్టింది. క‌రోనా వ‌చ్చినా స‌రే.. సెక్యూరిటీ గార్డులను డ్యూటీకి రావాలంటూ యాజమాన్యం ఒత్తిడి తీసుకొచ్చింది. సిబ్బందికి క‌రోనా వ‌చ్చినా యాజ‌మాన్యం ప్లాంట్ న‌డప‌డ‌మే కాక‌.. ప్రభుత్వ అధికారులకు చెప్పొద్దంటూ సిబ్బందికి ఆదేశాలు సైతం జారీ చేశారు. క్వారంటైన్ స్టాంపులు ఉన్న వాళ్లు తిరుగుతుండ‌డంతో హెరిటేజ్‌ ప్లాంట్‌ ఎదుట స్థానికులు ధర్నాకు దిగారు. ప్లాంట్‌ను మూసివేయాలంటూ ఆందోళన చేపట్టారు

వంశికుమార్ తోట

నాపేరు వంశికుమార్. నేను న్యూస్ మీటర్ తెలుగులో జర్నలిస్ట్ గా పనిచేస్తున్నాను. గతంలో నేను ఆంధ్రప్రభ, ఆంధ్ర‌జ్యోతిలో పనిచేశాను. జర్నలిజం పట్ల నాకు ఉన్న ఇష్టం, ఆసక్తితో నేను ఈ వృత్తిని ఎంచుకున్నాను.