గన్‌మెన్ల టిక్‌టాక్‌.. భద్రత గాలికి..!

వరంగల్‌: ఓ ఎంపీ గన్‌మెన్లు సోషల్‌ మీడియాలో వైరల్‌గా మారారు. భద్రత కల్పించాల్సిన పని మానేసి టిక్‌టాక్‌ వీడియోలతో హల్‌చల్‌ చేశారు. ఓ యువకుడు బాషా రేంజ్‌లో బిల్డప్‌ ఇస్తే.. గన్‌మెన్లు వెనుక నిలబడి షో చేశారు. ఇక పూర్తి వివరాల్లోకి వెళ్తే.. టీఆర్‌ఎస్‌కు చెందిన రాజ్యసభ ఎంపీ బండ ప్రకాష్‌ రెండు రోజుల క్రితం పులిచింతల ప్రాజెక్టు సందర్శనకు వెళ్లారు. ఈ నేపథ్యంలో ప్రాజెక్టు వద్ద గన్‌మెన్లు బండ ప్రకాష్‌ అల్లుడితో కలిసి టిక్‌టాక్‌ల్లో మునిగి తేలడం కలకలం రేపుతోంది. బండ ప్రకాష్‌ అల్లుడు జగన్‌కు గన్‌మెన్లుగా యాక్షన్‌ చేస్తూ వీడియోలకు ఫోజులిచ్చారు. అయితే ఈ వీడియోలకు జగన్‌ సోషల్‌ మీడియాలో అప్‌లోడ్‌ చేయడంతో వైరల్‌గా మారాయి. దీంతో భద్రతను గాలికి వదిలేసిన గన్‌మెన్లపై నెటిజన్లు విమర్శలు చేస్తున్నారు.

న్యూస్‌మీటర్ తెలుగు

విశ్వసనీయమైన డిజిటల్ మీడియా ప్లాట్‌ఫారమ్ మీకు విశ్వసనీయ వార్తా కథనాలను మరియు ప్రస్తుత వ్యవహారాల విశ్లేషణను తెస్తుంది.