సీఎం కేసీఆర్ ఎన్నికల అఫిడవిట్‌లో ఆసక్తికర విషయాలు
సీఎం కేసీఆర్ వరుసగా రెండు అసెంబ్లీ స్థానాలైన గజ్వేల్, కామారెడ్డి నుంచి నామినేషన్ దాఖలు చేశారు.
By న్యూస్‌మీటర్ తెలుగు Published on 9 Nov 2023 12:00 PM GMT
సీఎం కేసీఆర్ ఎన్నికల అఫిడవిట్‌లో ఆసక్తికర విషయాలు
నవంబర్ 30న జరగనున్న తెలంగాణ రాష్ట్ర అసెంబ్లీ ఎన్నికలకు సీఎం కేసీఆర్ వరుసగా రెండు అసెంబ్లీ స్థానాలైన గజ్వేల్, కామారెడ్డి నుంచి నామినేషన్ దాఖలు చేశారు. నవంబర్ 9వ తేదీ ఉదయం రెండు నియోజకవర్గాల వద్ద వేలాది మంది ఆయన నామినేషన్ ర్యాలీలో పాల్గొన్నారు. ఇదే రోజు బీఆర్ఎస్ వర్కింగ్ ప్రెసిడెంట్ కేటీఆర్, ఆరోగ్య మంత్రి టి హరీష్ రావు సిరిసిల్ల , సిద్దిపేట నుండి తమ నామినేషన్లను దాఖలు చేశారు. చాలా మంది రాజకీయ నాయకులు నామినేషన్లు దాఖలు చేయడంతో నవంబర్ 9వ తేదీ శుభప్రదంగా కనిపిస్తోంది. సీఎం కేసీఆర్‌కు పోటీగా గజ్వేల్‌లో ఈటల రాజేందర్‌, కామారెడ్డిలో టీపీసీసీ చీఫ్‌ రేవంత్‌రెడ్డి పోటీ చేస్తున్నారు.
NewsMeter, ముఖ్యమంత్రి 2023 ఎన్నికల అఫిడవిట్‌ను విశ్లేషించింది. కేసీఆర్‌కు ఆస్తులేమి లేవని కాదు. ప్రత్యేకంగా ఆయన పేరు మీద ఎలాంటి భూములు లేకపోయినా.. ఉన్న స్థలాలన్ని కుటుంబ ఉమ్మడి ఆస్తులుగా ఉన్నాయట. అయితే.. నామినేషన్ దాఖలాల ప్రకారం తెలంగాణలో కేసీఆర్‌కు వ్యవసాయ భూమి లేదు. బీఆర్ఎస్ అధినేత కేసీఆర్, ఆయన భార్య శోభారావు, హిందూ అవిభాజ్య కుటుంబం (హెచ్‌యూఎఫ్) ఆస్తులతో సహా రూ.58.7 కోట్ల విలువైన సంపదను కలిగి ఉన్నారు. 2022-23 ఆర్థిక సంవత్సరానికి I-T రిటర్న్స్‌లో చూపిన ఆదాయం రూ. 1.6 కోట్లు.
రికార్డుల ప్రకారం, కేసీఆర్, ఆయన జీవిత భాగస్వామి చరాస్తులు (నగదు, డిపాజిట్లు, టి న్యూస్ ఛానెల్‌లో పెట్టుబడులు, బంగారం మరియు వజ్రాలు) విలువ రూ. 25.61 కోట్లు. రూ. 9.81 కోట్ల హెచ్‌యుఎఫ్. దీని మొత్తం రూ.35.42 కోట్లు. స్థిరాస్తి (వ్యవసాయ, వాణిజ్య ఆస్తులు) విషయానికొస్తే, సీఎం కేసీఆర్‌కు బంజారాహిల్స్‌లో నివాస గృహం, కరీంనగర్‌లో ఒక ఫామ్‌హౌస్, రూ. 8.5 కోట్లు, రూ. 15 కోట్ల హెచ్‌యూఎఫ్ విలువైన భూములు ఉన్నాయి. ఆయన ఆస్తుల విలువ రూ.23.5 కోట్లు. శోభకు తన పేరిట ఎలాంటి ఆస్తి లేదని, కేసీఆర్‌కు వ్యవసాయ భూములు లేవని అఫిడవిట్‌లో పేర్కొన్నారు.
ఆస్తులు కాకుండా, కేసీఆర్ రుణభారంలో రూ. 17.27 కోట్లు కుటుంబానికి సంబంధించిన రుణాలు, రాజేశ్వర హేచరీస్, జి వివేకానంద బకాయిలు ఉన్నాయి. సిద్దిపేటలోని ప్రభుత్వ డిగ్రీ కళాశాలలో బ్యాచిలర్ ఆఫ్ ఆర్ట్స్ పట్టా పొందారు. కేసీఆర్‌కు సొంతంగా కారు, ద్విచక్రవాహనం లేకపోయినా.. వ్యవసాయానికి వినియోగించే ట్రాక్టర్లు, హార్వెస్టర్లు, జేసీబీల్లాంటి 14 వాహనాలున్నట్టు అఫిడవిట్‌లో పేర్కొన్నారు. కాగా.. వీటన్నింటి విలువ సుమారు కోటీ 16 లక్షలుగా అఫిడవిట్‌లో కేసీఆర్ పేర్కొన్నారు.
