ప్రముఖ నిర్మాత దిల్ రాజు ఇంట్లో ఐటీ సోదాలు
హైదరాబాద్‌లో 8 చోట్ల ఐటీ అధికారులు సోదాలు నిర్వహిస్తున్నారు. టాలీవుడ్‌ నిర్మాత, ఎఫ్‌డీఎస్‌ చైర్మన్‌ దిల్ రాజు ఇల్లు, ఆఫీసుల్లో సోదాలు చేపట్టారు.
By అంజి Published on 21 Jan 2025 7:59 AM IST
ప్రముఖ నిర్మాత దిల్ రాజు ఇంట్లో ఐటీ సోదాలు
హైదరాబాద్‌లో 8 చోట్ల ఇన్‌కమ్‌ ట్యాక్స్‌ అధికారులు సోదాలు నిర్వహిస్తున్నారు. టాలీవుడ్‌ నిర్మాత, తెలంగాణ ఫిల్మ్ ఫెడరేషన్ డెవలప్‌మెంట్ కార్పొరేషన్ (టీఎఫ్‌ఎఫ్‌డీసీ) చైర్మన్‌ దిల్ రాజు ఇల్లు, ఆఫీసుల్లో సోదాలు చేపట్టారు. జనవరి 21 తెల్లవారుజామున జూబ్లీహిల్స్‌లోని ఉజాస్ విల్లాస్‌లోని దిల్ రాజు ఆస్తులపై ఐటీ సోదాలు ప్రారంభించింది. ఆయన సోదరుడు, కుమార్తె, బంధువుల ఇళ్లలోనూ తనిఖీలు చేస్తున్నట్టు తెలుస్తోంది. ఆయన నిర్మించిన 'సంక్రాంతికి వస్తున్నాం' సినిమా ఇటీవల విడుదలై రూ.200 కోట్లకు పైగా కలెక్షన్లు రాబట్టిన సంగతి తెలిసిందే.
వి వెంకట రమణ అలియాస్‌ దిల్ రాజు రెండు తెలుగు మాట్లాడే రాష్ట్రాలలో బహుళ వ్యాపారాలను కలిగి ఉన్న ప్రముఖ నిర్మాత. కీలకమైన వ్యాపారం సినిమా నిర్మాణం, పంపిణీ. అతను రియల్ ఎస్టేట్‌లోకి కూడా ప్రవేశించాడు. దిల్ రాజు ఇటీవల తెలంగాణ ఫిల్మ్ ఫెడరేషన్ డెవలప్‌మెంట్ కార్పొరేషన్ ఛైర్మన్‌గా నియమితులయ్యారు.
