Telangana : గ్రూప్‌-4 ఫలితాలు విడుదల

తెలంగాణలో గ్రూప్-4 ఫలితాలు కొద్దిసేపటి క్రితం విడుదలయ్యాయి. మొత్తం 8,084 మంది అభ్యర్థుతో ప్రొవిజినల్ జాబితాను టీజీపీఎస్సీ ప్రకటించింది. పూర్తి వివరాలను అధికారిక వెబ్‌సైట్‌లో అందుబాటులో ఉంచినట్లు కమిషన్‌ తెలిపింది. అభ్యర్థులు https://www.tspsc.gov.in/ వెబ్‌సైట్‌ ద్వారా తమ ఫలితాలను చెక్‌ చేసుకోవచ్చు. గతేడాది జులై 1న టీజీపీఎస్సీ గ్రూప్ 4 పరీక్షలను నిర్వహించిన విషయం తెలిసిందే. అయితే ఆ తర్వాత ఎన్నికలు రావటంతో గ్రూప్‌ 4 ఉద్యోగాల భర్తీ ప్రక్రియలో జాప్యం జరిగింది. లోక్‌సభ ఎన్నికల పోలింగ్ ముగిసిన వెంటనే ఉద్యోగాల భర్తీపై తెలంగాణ పబ్లిక్‌ సర్వీస్‌ కమిషన్‌ (TGPSC) దృష్టి సారించింది. ఇందుకోసం 7,26,837 మంది ర్యాంకులను (జనరల్ ర్యాంకింగ్) ప్రకటించింది. అనంతరం సర్టిఫికెట్ వెరిఫికేషన్ చేపట్టింది. తుది ఎంపిక కోసం 1:3 నిష్పత్తిలో అభ్యర్థులను ఎంపిక చేశారు.

దశలవారీగా వెరిఫికేషన్ ప్రక్రియను పూర్తి చేసిన టీజీపీఎస్సీ.. తాజాగా టీజీపీఎస్సీ గ్రూప్ 4 ఫలితాలను విడుదల చేసింది. ఎంపికైన వారికి తెలంగాణలో కాంగ్రెస్‌ పార్టీ ఏడాది పాలనపై నవంబర్‌ 14 నుంచి డిసెంబర్‌ 9వ తేదీ వరకు ప్రజా విజయోత్సవాలు నిర్వహించనున్నారు. ఈ ప్రజా విజయోత్సవాల్లో భాగంగానే ఈ తెలంగాణ గ్రూప్-4 అభ్యర్థులకు నియామకపత్రాలను అందజేయనున్నట్లు స‌మాచారం.

ఇదిలావుంటే.. గ్రూప్-4 పరీక్షకు 9,51,321 మంది దరఖాస్తు చేసుకున్నారు. వీరికి 2023 జులై 1న నియామక పరీక్ష నిర్వహించారు. ధ్రువపత్రాల పరిశీలన తర్వాత ఎంపికైన 8,084 అభ్యర్థుల జాబితాను టీజీపీఎస్సీ కమిషన్‌ తాజాగా విడుదల చేసింది.