నేటి నుంచి రాష్ట్రంలో ప‌ద‌వ త‌ర‌గ‌తి ప‌రీక్ష‌లు.. మార్గ‌ద‌ర్శ‌కాలివే..

తెలంగాణ రాష్ట్రంలో నేటి నుంచి ప‌ద‌వ‌ పరీక్షలు ప్రారంభం కానున్నాయి. తెలంగాణ బోర్డ్ ఆఫ్ సెకండరీ ఎడ్యుకేషన్.. 10వ పరీక్షలను సోమ‌వారం నుండి ప్రారంభించనుంది. దీంతో విద్యార్థులు నేడు పరీక్షకు హాజరు కానున్నారు. ఉదయం 9:30 నుండి మధ్యాహ్నం 12:45 వరకు తమ ఫస్ట్ లాంగ్వేజ్ పేపర్‌లను రాయనున్నారు.

ఇదిలావుంటే.. విద్యాశాఖ‌ హాల్ టిక్కెట్లను మే 12, 2022న విడుదల చేసింది. విద్యార్థులు తమ హాల్ టిక్కెట్‌లను bse.telangana.gov.in నుండి డౌన్‌లోడ్ చేసుకునేందుకు వీలుగా వెబ్‌సైట్‌లో అందుబాటులో ఉంచింది.

ఈ పరీక్షలు COVID-19 భద్రతా ప్రోటోకాల్‌ల మధ్య ఆఫ్‌లైన్‌లో నిర్వహించబడతాయి. కొవిడ్‌ సంక్రమణ నుండి తమను తాము సురక్షితంగా ఉంచుకోవడానికి విద్యార్థులు ప్రోటోకాల్‌లకు కట్టుబడి ఉండాలని అధికారులు సూచించారు.

TS SSC పరీక్షలు – మార్గదర్శకాలు

1. విద్యార్థులు విధిగా తమ హాల్ టిక్కెట్లను పరీక్ష హాల్‌కు తీసుకురావాలి. ఒకవేళ మరచిపోయినట్లయితే, పరీక్షకు హాజరయ్యేందుకు అనుమతించబడరు.

2. విద్యార్థులు తప్పనిసరిగా పరీక్షా కేంద్రానికి ఉదయం 9 గంటలకు చేరుకోవాలి. పరీక్షలు ఉదయం 9:30 గంటలకు ప్రారంభమై మధ్యాహ్నం 12:45 గంటలకు ముగుస్తాయి.

3. విద్యార్థులందరూ అన్ని సమయాల్లో మాస్క్‌లు ధరించాలి. పరీక్ష హాల్ లోపల, వెలుపల సామాజిక దూరాన్ని కొనసాగించాలని సూచించారు.

4. తరచుగా శానిటైజేషన్ చేయడానికి, హైడ్రేటెడ్‌గా ఉండటానికి విద్యార్ధులు హ్యాండ్ శానిటైజర్‌, స్వంత వాటర్ బాటిల్ తీసుకెళ్లడం మంచిది.