నా వ్యాఖ్యలను వెనక్కి తీసుకుంటున్నా: మంత్రి కొండా సురేఖ

నటులు సమంత ప్రభు, నాగ చైతన్యల విడాకుల వ్యవహారంలో భారత రాష్ట్ర సమితి (బీఆర్‌ఎస్) నేత కేటీఆర్‌ ప్రమేయం ఉందని ఆరోపిస్తూ దుమారం రేపిన మంత్రి కొండా సురేఖ తన వ్యాఖ్యలపై క్షమాపణలు చెప్పారు. కేటీఆర్ ‘మహిళలను కించపరచడాన్ని’ ప్రశ్నించేలా తన వ్యాఖ్యలు ఉన్నాయని, ఎవరి మనోభావాలను దెబ్బతీసేలా లేదని కొండా సురేఖ స్పష్టం చేశారు.

హీరోయిన్‌ సమంతపై చేసిన వ్యాఖ్యలను వెనక్కి తీసుకుంటున్నట్టు మంత్రి కొండా సురేఖ తెలిపారు. ''నా వ్యాఖ్యల ఉద్దేశం మహిళల పట్ల ఒక నాయకుడి చిన్నచూపు ధోరణిని ప్రశ్నించడమే కానీ.. మీ మనోభావాలను దెబ్బతీయడం కాదు. స్వయం శక్తితో మీరు ఎదిగిన తీరు నాకు అభిమానం మాత్రమే కాదు.. ఆదర్శం కూడా. నా వ్యాఖ్యల పట్ల మీరు కానీ, మీ అభిమానులు కానీ మనస్తాపానికి గురైనట్లయితే బేషరతుగా నా వ్యాఖ్యలను పూర్తిగా ఉపసంహరించుకుంటున్నాను'' అని ఎక్స్‌లో సమంతను ట్యాగ్‌ చేస్తూ మంత్రి కొండా సురేఖ పోస్టు పెట్టారు.

"నా రాజకీయ చర్చలో నేనెప్పుడూ హద్దులు దాటలేదు, నిరాధారమైన ఆరోపణలు చేయలేదు. నా మాటలు మిమ్మల్ని బాధపెట్టినా లేదా బాధపెట్టినా, నా విచారం వ్యక్తం చేస్తున్నాను. నా వృత్తి గౌరవాన్ని నిలబెట్టడానికి నేను ఎల్లప్పుడూ ప్రయత్నిస్తాను" అని మంత్రి సురేఖ అన్నారు.

అంతకుముందు నాగ చైతన్యతో విడాకులు తీసుకోవడంలో బీఆర్‌ఎస్ వర్కింగ్ ప్రెసిడెంట్ కేటీఆర్ పాత్ర ఉందని ఆరోపిస్తూ తెలంగాణ మంత్రి, కాంగ్రెస్ నాయకురాలు కొండా సురేఖ చేసిన వ్యాఖ్యలపై విమర్శలు వ్యక్తమవుతున్నాయి. 'నాగచైతన్య డైవర్స్‌ వందశాతం కేటీఆర్‌ వల్లే అయింది. ఎన్‌ కన్వన్షన్‌ హాల్‌ వివాదంతో ఇది మొదలైంది'' అని కొండా సురేఖ ఆరోపించారు. బాధ్యాయుతమైన పదవిలో ఉండి అలాంటి వ్యాఖ్యలు సరికాదని నెటిజన్లు మండిపడుతున్నారు.