దావోస్‌కు సీఎం రేవంత్ రెడ్డి

తెలంగాణ సీఎం రేవంత్‌రెడ్డి జనవరి 19 నుంచి స్విట్జర్లాండ్‌లో పర్యటించనున్నారు. జనవరి 19 నుంచి 23 వరకు దావోస్‌లో జరుగనున్న ప్రపంచ పెట్టుబడుల సదస్సుకు హాజరుకానున్నారు. తిరిగి ఫిబ్రవరి 1న రాష్ట్రానికి చేరుకోనున్నారు. పెట్టుబడులు ఆకట్టుకోవడమే లక్ష్యంగా తెలంగాణ విజన్‌-2047ను పెట్టుబడుదారులకు వివరించనున్నారు.

దావోస్‌లో జరిగే ‘ప్రపంచ ఆర్థిక సదస్సు-2026’ లో ‘తెలంగాణ రైజింగ్‌-2047’పై ప్రత్యేక కార్యక్రమం నిర్వహించనున్నారు. పలు కంపెనీల సీఈవోలు, ప్రతినిధులు పాల్గొనే ఈ సమావేశంలో తెలంగాణపై ముఖ్యమంత్రి రేవంత్‌రెడ్డి పలు సదుపాయాలను వివరించనున్నారు. రాష్ట్ర ప్రభుత్వం చేపట్టిన భారత్‌ ఫ్యూచర్‌ సిటీ, మూసీ పునరుజ్జీవం, డ్రైపోర్ట్, బుల్లెట్‌ ట్రైన్, గ్లోబల్‌ కేపబిలిటీ కేంద్రాల వంటి అంశాలను తెలియజేయనున్నారు.