సర్పంచుల ఆత్మహత్యలకు కేసీఆరే కార‌ణం : ఉత్తమ్ కుమార్ రెడ్డి

బిఆర్‌ఎస్ ప్రభుత్వం సర్పంచ్‌లకు 15వ ఆర్థిక సంఘం ద్వారా వచ్చిన 35,000 కోట్ల రూపాయలను మోసపూరితంగా ఇతర ఖాతాలకు బదిలీ చేసారని, 15వ ఆర్థిక సంఘం నుంచి నిధులను బదిలీ చేసేందుకు వీలుగా రాష్ట్ర ప్రభుత్వం మొదట మొత్తం 12,751 పంచాయతీలను ఖాతా తెరిచిందని ఈ ఖాతాల్లోని డిజిటల్ కీతో నగదును మోసపూరిత బదిలీ ద్వారా మరో పథకానికి చెల్లింపులు జరిపిందని ఉత్తమ్ కుమార్ రెడ్డి ఆరోపించారు.

పంచాయతీ రాజ్ చట్టం ప్రకారం ఆర్థిక సంఘం సిఫార్సుల మేరకు కేంద్ర, రాష్ట్ర ప్రభుత్వాలు గ్రామ పంచాయతీల బ్యాంకు ఖాతాల్లో తమ నిధులను జమచేస్తాయని ఉత్తమ్‌కుమార్‌రెడ్డి తెలిపారు. సంబంధిత చట్టం ఆమోదించి అమలులోకి వచ్చినప్పటి నుంచి గ్రామ పంచాయితీలు నేరుగా వారి ఖాతాలలోకి నిధులు వస్తున్నాయని తరువాత సర్పంచ్‌లు మరియు ఉప-సర్పంచ్‌లు రాష్ట్ర లేదా కేంద్ర ప్రభుత్వం నుండి ఎటువంటి జోక్యం లేకుండా వాటిని ఉపయోగిస్తారని అన్నారు. అయితే, 12,751 గ్రామ పంచాయతీల నిధులను దోచుకోవడానికి బీఆర్‌ఎస్ ప్రభుత్వం నాటకం ఆడిందని ఆరోపించారు.

''దేశంలోనే తెలంగాణను 'మోడల్‌', 'రిచెస్ట్‌' రాష్ట్రంగా సీఎం కేసీఆర్‌ అభివర్ణిస్తున్నారు.. కానీ వాస్తవానికి పథకాల అమలుకు నిధులు లేకపోవడంతో తెలంగాణ తీవ్ర ఆర్థిక సంక్షోభాన్ని ఎదుర్కొంటోందని అన్నారు. ప్రభుత్వ సిబ్బందికి కూడా సకాలంలో జీతాలు అందడం లేదు. ఆర్థిక వ్యవస్థను గాడిలో పెట్టేందుకు దిద్దుబాటు చర్యలు చేపట్టే బదులు, ఒక శాఖ నుంచి మరో శాఖ నిధులను దోచుకోవడంతో కేసీఆర్ ప్రభుత్వం ఇప్పుడు అవలంబిస్తోందని అన్నారు. సర్పంచ్‌లు, ఉప సర్పంచ్‌ల డిజిటల్ సంతకాల కోసం దుర్వినియోగం చేయడం పూర్తిగా చట్టవిరుద్ధం, దీనిని ఖండించాలని అన్నారు.

ఉత్తమ్ కుమార్ రెడ్డి మాట్లాడుతూ.. రాష్ట్ర ప్రభుత్వం ప్రతి నెల 250 కోట్ల రూపాయల గ్రామ పంచాయతీ నిధులతో సిబ్బందికి వేతనాలు, రోడ్ల నిర్మాణం, గ్రామాల్లో పారిశుధ్యం, తాగునీటి సరఫరా వంటి పనులకు వినియోగిస్తున్నట్లు తెలిపారు. అయితే గత ఆరు నెలలుగా గ్రామ పంచాయతీలకు ఈ నిధులు విడుదల కావడం లేదన్నారు. స్థానిక గ్రామస్తుల ఒత్తిడి మేరకు తెలంగాణ రాష్ట్రవ్యాప్తంగా చాలా మంది సర్పంచ్‌లు తమ పొదుపు లేదా అప్పుల నుండి ఆ పనులకు డబ్బును ఖర్చు చేశారు. ఇటువంటి బకాయిలు దాదాపు రూ. 960 కోట్లు. నిధుల విడుదలలో జాప్యం జరిగినా అభివృద్ధి పనులు కొనసాగించిన సర్పంచ్‌లను అభినందించి సన్మానించడమే కాకుండా గ్రామ పంచాయతీ నిధులను అక్రమంగా దారి మళ్లించి బీఆర్‌ఎస్ ప్రభుత్వం ద్రోహం చేసింది.

రాష్ట్ర ప్రభుత్వం నిధులు విడుదల చేయడంలో జాప్యం చేయడంతో చాలా మంది సర్పంచ్‌లు ఆత్మహత్యలు చేసుకున్నారని అన్నార. ఫైనాన్స్‌ కమిషన్‌ ద్వారా నిధులు విడుదలవుతున్నాయన్న నమ్మకంతో అభివృద్ధి పనులకు అప్పులు చేసిన వేలాది మంది సర్పంచ్‌లు సీఎం కేసీఆర్‌ పక్కదారి పట్టడంతో తీవ్ర అవస్థలు పడుతున్నారు.

సర్పంచ్‌ల ఆత్మహత్యలకు సీఎం కేసీఆరే ప్రత్యక్ష కారణమని, దీనిపై రాష్ట్ర ప్రభుత్వం శ్వేతపత్రం విడుదల చేసి జాప్యం చేయకుండా అన్ని బకాయిలను విడుదల చేయాలని డిమాండ్ చేశారు. సోమవారం తాము చేపట్టిన ధర్నాను విఫలం చేసేందుకు పోలీసులు కాంగ్రెస్ నేతలను అక్రమంగా అరెస్టు చేసి గృహనిర్బంధం చేయడాన్ని ఉత్తమ్ కుమార్ రెడ్డి ఖండించారు.