నిజామాబాద్ అర్బన్ ఎమ్మెల్యే గణేష్ గుప్తా ఇంట విషాదం
టీఆర్ఎస్ నేత, నిజామాబాద్ అర్బన్ ఎమ్మెల్యే బీగాల గణేశ్‌ గుప్తా ఇంట విషాదం చోటుచేసుకుంది. గణేశ్‌ గుప్తా తండ్రి కృష్ణమూర్తి అనారోగ్యం కార‌ణంగా కన్నుమూశారు. హైదరాబాద్‌లోని ఓ ప్రైవేట్ హాస్పిటల్‌లో నాలుగు రోజులుగా చికిత్స పొందుతున్న ఆయ‌న శనివారం ఉదయం తుదిశ్వాస విడిచినట్లు కుటుంబస‌భ్యులు తెలిపారు.
బీగాల కృష్ణమూర్తి ఆర్య వైశ్య సంఘంలో క్రియాశీలక పాత్ర వహించారు. నిజామాబాద్ జిల్లా శాఖ అధ్యక్షుడిగానూ సేవలందించారు. ఈ రోజు మధ్యాహ్నం 12.30 గంటలకు ఎమ్మెల్యే గణేష్ గుప్తా స్వస్థలమైన మాక్లూర్‌లో కృష్ణమూర్తి అంత్యక్రియలు జ‌రుగ‌నున్నాయి. కృష్ణమూర్తి మృతి ప‌ట్ల పలువురు టీఆర్ఎస్ నాయకులు సంతాపం వ్య‌క్తం చేశారు.
Next Story
