మంత్రి ఉత్తమ్ కుమార్ రెడ్డి ప్రయాణిస్తున్న హెలికాప్టర్.. ఎమర్జెన్సీ ల్యాండింగ్

తెలంగాణ మంత్రి ఉత్తమ్ కుమార్ రెడ్డి ప్రయాణిస్తున్న హెలికాప్టర్ ప్రతికూల వాతావరణ పరిస్థితుల కారణంగా అత్యవసరంగా ల్యాండ్ చేశారు. హుజూర్ నగర్ నియోజకవర్గంలోని వివిధ లిఫ్ట్ ఇరిగేషన్ ప్రాజెక్టులను పరిశీలించడానికి మంత్రి హైదరాబాద్ నుండి బయలుదేరారు.

మొదట మేళ్లచెరువులో ల్యాండ్ కావాల్సి ఉండగా, ఆ ప్రాంతంలో బలమైన గాలులు, ఉరుములతో కూడిన వర్షం పడటంతో హెలికాప్టర్‌ను దారి మళ్లించారు. మంత్రి సిబ్బంది ప్రకారం ముందు జాగ్రత్త చర్యగా కోదాడలో అత్యవసరంగా ల్యాండ్ చేయడం జరిగింది. సురక్షితంగా ల్యాండింగ్ అయిన తర్వాత, మంత్రి ఉత్తమ్ కుమార్ రెడ్డి రోడ్డు మార్గంలో తన ప్రయాణాన్ని కొనసాగించారు. ఈ సమాచారం అందుకున్న వెంటనే స్థానిక రెవెన్యూ, పోలీసు అధికారులు, భద్రతా సిబ్బంది హుటాహుటిన సంఘటనా స్థలానికి చేరుకున్నారు.