వాహనదారులకు భారీ ఊరట.. పెండింగ్‌ చలాన్లకు వన్‌ టైమ్‌ డిస్కౌంట్‌.!

Hyderabad Police announces major relief for traffic fine defaulters. వాహనదారులకు హైదరాబాద్‌ పోలీసులు భారీ ఉపశమనాన్ని ప్రకటించారు. వాహనాల జరిమానాలు పెండింగ్‌లో ఉన్న

By అంజి  Published on  24 Feb 2022 11:04 AM GMT
వాహనదారులకు భారీ ఊరట.. పెండింగ్‌ చలాన్లకు వన్‌ టైమ్‌ డిస్కౌంట్‌.!

వాహనదారులకు హైదరాబాద్‌ పోలీసులు భారీ ఉపశమనాన్ని ప్రకటించారు. వాహనాల జరిమానాలు పెండింగ్‌లో ఉన్న పౌరులకు హైదరాబాద్ ట్రాఫిక్ పోలీసులు బుధవారం వన్-టైమ్ డిస్కౌంట్/రాయితీని ప్రకటించారు. పెండింగ్‌లో ఉన్న రూ. 600 కోట్ల చలాన్‌ల బకాయిలను గుర్తించిన ట్రాఫిక్ పోలీసులు ఇప్పుడు నిర్ణీత వ్యవధిలో బకాయిలను క్లియర్ చేసే వారికి తగ్గింపు రాయితీ ఇస్తున్నారు. కోవిడ్ -19 మహమ్మారి సమయంలో ఆర్థిక ఇబ్బందులను ఎదుర్కొన్న ప్రయాణికుల పట్ల ఈ చర్య మానవతా సంజ్ఞ అని హైదరాబాద్ ట్రాఫిక్ పోలీసులు విడుదల చేసిన ప్రకటనలో తెలిపారు.

పెండింగ్‌లో ఉన్న మొత్తం చలాన్‌లలో 85 శాతం ద్విచక్ర వాహన యజమానులు, ఆటో యజమానులని, వారు ప్రధానంగా సమాజంలోని మధ్య, దిగువ వర్గాలకు చెందినవారని ట్రాఫిక్‌ పోలీసులు విడుదల చేసిన ప్రకటన పేర్కొంది. అయితే బకాయిలను క్లియర్ చేసేటప్పుడు ఆన్‌లైన్ చెల్లింపులు మాత్రమే అంగీకరించబడతాయని పోలీసులు తెలిపారు. ద్విచక్ర వాహనాలకు చలాన్‌లో 25 శాతం చెల్లిస్తే మిగిలిన 75 శాతం పెండింగ్‌లో మాఫీ అవుతుంది. అలాగే చిరువ్యాపారుల విషయంలో 20 శాతం చెల్లిస్తే మిగిలిన 80 శాతం మాఫీ అవుతుంది. కార్ల యజమానులు 50 శాతం బకాయిలు క్లియర్ చేసి, ఆర్టీసీ బస్సు యజమానులు 30 శాతం బకాయిలు చెల్లిస్తే, మిగిలిన మొత్తాన్ని మాఫీ చేస్తామని తెలంగాణ పోలీసులు హామీ ఇచ్చారు.

Next Story
Share it