ప్రధాని మోదీని కలిసిన గవర్నర్.. ఆపై తెలంగాణ స‌ర్కార్‌పై కీల‌క వ్యాఖ్య‌లు..

Governor Dr Tamilisai Soundararajan met Prime Minister Narendra Modi. రాష్ట్ర గవర్నర్ డాక్టర్ తమిళిసై సౌందరరాజన్ బుధవారం దేశ రాజధానిలో

By Medi Samrat  Published on  6 April 2022 8:15 AM GMT
ప్రధాని మోదీని కలిసిన గవర్నర్.. ఆపై తెలంగాణ స‌ర్కార్‌పై కీల‌క వ్యాఖ్య‌లు..

రాష్ట్ర గవర్నర్ డాక్టర్ తమిళిసై సౌందరరాజన్ బుధవారం దేశ రాజధానిలో ప్రధాని నరేంద్ర మోదీని కలిశారు. రాష్ట్రంలోని పలు అంశాలపై ప్ర‌ధానితో గవర్నర్‌ చర్చించినట్లు తెలుస్తోంది. రాష్ట్ర ప్రభుత్వం ఉల్లంఘించిన ప్రోటోకాల్‌ల గురించి కూడా ఆమె ప్రధానికి తెలియజేసినట్లు తెలుస్తోంది. వివిధ సందర్భాల్లో రాష్ట్రంలో నిరాకరించిన ప్రోటోకాల్‌లపై ఆమె ప్రధాని మోదీకి వివరించినట్లు సమాచారం. మీడియాతో గవర్నర్ మాట్లాడుతూ.. టీకా డ్రైవ్‌కు, హైదరాబాద్ నుండి పుదుచ్చేరికి నేరుగా విమానాన్ని మంజూరు చేసినందుకు ప్రధాని మోదీకి ధన్యవాదాలు తెలిపారు.

గిరిజనులను కలిసేందుకు అడవుల్లోకి వెళ్లి కొన్ని గ్రామాలను దత్తత తీసుకున్నందుకు ప్రధాని మోదీ తనను అభినందించారని ఆమె అన్నారు. అనంతరం గవర్నర్‌ కార్యాలయాన్ని రాష్ట్ర ప్రభుత్వం అగౌరవపరిచిందని ఆమె మండిపడ్డారు. ప్రభుత్వం చేసిన అవమానాన్ని గవర్నర్ కార్యాలయానికే వదిలేస్తున్నానని ఆమె అన్నారు. ప్రభుత్వం ప్రోటోకాల్ ఉల్లంఘించినా పట్టించుకోవడం లేదని ఆమె అన్నారు. గవర్నర్లు మారవచ్చు కానీ గవర్నర్ కార్యాలయాన్ని, రాజ్యాంగాన్ని గౌరవించాలని ఆమె గుర్తు చేశారు. గవర్నర్ ప్రసంగంపై ఆమె స్పందిస్తూ.. శాసనసభలో ప్రసంగించేందుకు ప్రభుత్వం అభివృద్ధిపై ఎలాంటి నివేదిక పంపలేదన్నారు.

ముఖ్యమంత్రి, మంత్రులతో బహిరంగ చర్చకు సిద్ధమని గవర్నర్‌ తెలిపారు. తనకు ఎవరితోనూ విభేదాలు లేవని, తెలంగాణ ప్రజల కోసం పని చేయడం తనకు ఎప్పుడూ ఇష్టమని గవర్నర్ చెప్పారు. వరంగల్, యాదాద్రి ఆలయంలో జరిగిన ఘటనల తరహాలో ఎవరైనా ప్రభుత్వ అధికారులు గైర్హాజరైతే గవర్నర్‌ తీసుకునే చర్యలపై డాక్టర్‌ తమిళిసై సౌందరరాజన్‌ స్పందిస్తూ.. దీనిపై తాను ఎలాంటి ఇష్యూలు సృష్టించదలచుకోలేదని, దానిని ప్రజల యొక్క విజ్ఞతకే వదిలేస్తున్నానని అన్నారు.

రాష్ట్ర ప్రభుత్వం మొత్తం వరిని కేంద్రం కొనుగోలు చేయాలని డిమాండ్ చేస్తూ ఆందోళనలు నిర్వహిస్తోన్న విష‌యం తెలిసిందే. అలాగే బడ్జెట్ సమావేశాల మొదటి రోజున ఉభయ సభలకు గవర్నర్ చేసే సంప్రదాయ ప్రసంగాన్ని రద్దు చేయడంతో సహా ప్రోటోకాల్ ఉల్లంఘన వంటి సంఘటనలు.. గవర్నర్, ప్రభుత్వానికి మధ్య పెరుగుతున్న విభేదాల నేపథ్యంలో ఈ సమావేశం ప్రాముఖ్యతను సంతరించుకుంది.















Next Story
Share it